Уште во време на инките, била нарекувана „Мајка на сите зрна“
Звучи нереално но, постојат повеќе од 1.800 различни видови на киноа. Белата и жолтата киноа го имаат дефинитивно најблагиот вкус, така што тие може да бидат ваш прв избор. Црвената и црната квиноа пак, имаат малку посилни вкусови, но тенденција да ја задржат својата форма подобра од посветлите бои на киноа.
Киноата често се користи како замена за оризот, a обично ја сметаат за жито и ја класифицираат во житните култури.
Жолтеникавите парчиња се семе на растение наречено Chenopodium quinoa, а поголеми сличности има со друг вид зеленчук, како цвекло или спанаќ.
Киноата се одгледува околу 5000 години и е домородна за регионот на Андите во Јужна Америка, поточно за Боливија, Еквадор, Чиле и Перу. Била важна особено за империјата на Инките. Тие ја нарекувале „Мајка на сите зрна“ и верувале дека е света.
Денес, киноата стана тренд храна, дури и достигна статус на суперхрана!
Порастот на побарувачката го зголемило производството надвор од Јужна Америка во повеќе од 70 земји, особено во Кина, Франција и Индија!
Научниците од НАСА ја гледале како потенцијална соодветна култура која може да се одгледува во надворешниот простор, најмногу заснована на неговата висока содржина на хранливи материи, леснотијата на приготвување и едноставноста на нејзиното одгледување.
Хранлива вредност на киноата
Богат извор на протеини:
- Една чаша варена киноа со тежина од 185 грама (g) обезбедува 8,14 g протеини.
- Ова ја прави одличен избор на диети за луѓето што следат вегетаријанска или веганска диета.
- Ова растение е најпознато по тоа што е единствената растителна храна која го снабдува телото со најголем процент на протеини.
Протеините во ова растение нудат широк спектар на есенцијални аминокиселини. Повеќе од јасно е дека аминокиселините се неопходни за поддршка на мускулниот развој и имунолошката активност, меѓу другите основни функции. Постојат девет есенцијални аминокиселини, наведени од страна на Националниот институт за здравство како што се: хистидин, изолеуцин, леуцин, лизин, метионин, фенилаланин, треонин, триптофан и валин. За разлика од многу други зрна, киноата е одличен извор на лизин. Лизинот како есенцијална аминокиселина е од витално значење за синтезата на протеини. Иако неговиот недостаток е мошне редок, тој може да предизвика низа медицински проблеми, бидејќи лизинот игра најголема улога во процесите како што се растот и развојот.
Висока содржина на растителни влакна
Киноата како суперхрана има висока содржина на растителни влакна, обезбедувајќи 5,18 g во единствена чаша од 185 g. Ова е еднакво на најмалку 15,42% од потребниот дневен внес на една личност, во зависност од нивната возраст и пол. Според Академијата за исхрана, консумирањето доволно влакна може да помогне во намалувањето на ризикот од неколку здравствени состојби, вклучувајќи опстипација или запек, висок холестерол, висок крвен притисок и дивертикулоза.
Содржи висок процент на флавоноиди, како кверцетин и каемферол
Таа ги содржи растителните соединенија кверцетин и каемферол. Овие антиоксиданти можат да штитат од низа хронични состојби, на пример, според некои истражувања, каемферол може да помогне во заштита од инфекција, срцеви заболувања, дијабетес и неколку видови рак, вклучувајќи ги и оние на кожата и црниот дроб.
Всушност, содржината на кверцетин е дури и повисока отколку во типичната храна со висок процент на кверцетин, како брусницата.
Кверцетинот исто така може да помогне во зајакнувањето на одбраната на телото од инфекција и воспаленија, односно делува имуностимулаторно.
Добар извор на железо
Една чаша киноа обезбедува 2,76 мг железо, односно обезбедува 34,5% од препорачаниот дневен внес за мажи и 15,33% за жени.
Како потсетување, железото е неопходно за низа процеси во човечкото тело. Тоа е, на пример, суштински дел од соединението наречено хемоглобин. Ова соединение е главен носач на кислород во крвта, поддржувајќи ја енергијата и клеточната функција низ целото тело. Соодветниот внес на железо исто така поддржува здраво сврзно ткиво.
Идеално при целијакија
Луѓето кои следат диети без глутен понекогаш може да имаат потешкотии да ги добијат сите потребни хранливи материи. Диетите без глутен се препорачуваат за лица со целијачна болест, односно интолеранција на глутен. Студиите покажале дека користењето на киноата наместо типични без глутенски состојки како компир, пченка и брашно од ориз може драматично да ја зголемат хранливата и антиоксидантната вредност на вашата диета. Па така, киноата може да биде соодветна замена во диетите без глутен за оние кои не сакаат да се откажат од лебот и тестенините.
Има низок гликемиски индекс
Гликемискиот индекс е мерка за тоа колку брзо храната го зголемува нивото на шеќер во крвта. Нискиот гликемиски индекс е погоден за контрола на шеќерот во крвта. Јадењето храна која е богата со гликемиски индекс може да го стимулира гладот и да придонесе за појава на дебелина. Таквата храна исто така е поврзана со многу од најчестите, хронични, западни заболувања, како дијабетес тип 2 и срцеви заболувања. Киноата има гликемиски индекс од 53, што се смета за низок индекс. Сепак, важно е да се има предвид дека киноата содржи прилично голема количина на јаглехидрати.
Богата со минерали
Една чаша (185 грама) обезбедува околу 30% од потребниот дневен внес на магнезиум.
Освен магнезиум, киноата е високо застапена во следниве 4 минерали:
- Манган;
- Фосфор;
- Фолат;
- Тијамин (витамин Б1).
Одличен вкус
Има суптилен вкус што ја прави многу разновидна состојка. Важен е фактот што киноата е лесно да се вклучи во вашата диета. Исто така е особено вкусна и оди добро во комбинација со многу видови на храна.
Можете се повеќе да ја најдете неа и нејзините производи низ целиот свет, особено во продавниците за здрава храна и рестораните кои ја потенцираат природната храна.
Пробајте нешто ново, лесно е да ја вклучите киноата во вашата секојдневна исхрана!
