omega-3-kluchen-element-za-soodveten-razvoj-na-mozokot-kaj-decata_image
Споделете со пријателите!

Како да се подобри концентрацијата, меморијата и способноста за учење кај децата?
Недостатокот на внимание, концентрација и неспособноста за активно слушање се едни од најчестите причини за конфликт помеѓу родителите и децата. Иако е нормално малите деца да не може да го задржат вниманието на еден предмет подолго време и да скокаат од тема на тема, сепак важно е да знаеме како можеме да го унапредиме овој процес. Бидејќи без концентрација нема успех во учењето.

Од друга страна сите ние во одредени периоди на преоптовареност, а особено повозрасната популација, доаѓаме во ситуација да имаме проблем со помнењето т.е да заборавиме на некои обврски или настани.

„Не заборавајте дека мотивацијата е исто клучен фактор за постигнување подобри резултати!

Бројни истражувања на оваа тема потврдуваат дека клучен елемент за соодветен развој на мозокот и добра способност за учење, меморија и концентрација е соодветен внес на Омега 3 масни киселини во нашиот организам. Има 2 типа на Омега 3 незаситени масни киселини ДХА (Docosahexaenoic Acid) и ЕПА (Eicosapentaenoic Acid). Овие фосфолипидни молекули се особено важни за структурата на мозокот, развојот на нервните клетки и нивните мембрани. EПA и ДХА во мозочните клеточни мембрани директно влијаат на синтезата на невротрансмитерите, преносот на сигнали и активноста на некои клучни ензими и затоа нивниот недостаток ги нарушува нормалните функции на мозочните клетки. Омега 3 масните киселини нашиот организам не може да ги произведе самостојно и затоа мора да бидат дел од исхраната, или да се внесат како додаток на исхраната. Рибите се најдобриот извор на омега 3 масните киселини и тоа пред се: харинга, лосос, сардини, туна и пастрмка.

Кои се клучни придобивки од внесувањето на омега 3 масните киселини?

  • Го поддржуваат детскиот когнитивен развој. Децата кои внесуваат доволно омега 3 покажуваат подобра координација на рацете, социјални вештини и зголемена концентрација;
  • Ја зголемува способноста на детето за учење, го подобруваат читањето и меморијата;
  • Се од суштинско значење за добар вид и функција на очите;
  • Помагаат за добар имунитет.

Ризици во случај на недостаток омега 3 масни киселини во исхраната?

  • Ослабување на имунолошкиот систем што резултира со почести воспаленија и кожни проблеми;
  • Децата со аутизам, АДХД и дислексија обично имаат ниски нивоа на омега 3 масни киселини;
  • Проблеми со менталното здравје: депресија, биполарно растројство и пост породилна депресија;
  • Губиток на меморијата и способноста за размислување и/или лоши резултати на психолошките и бихејвиоралните тестови.
Прочитајте:  Како да одберете милениче за вашето дете

Како да се подобри концентрацијата, меморијата и способноста за учење кај децата?

  • Внесувајте доволно омега 3 со храната. Јадете риба барем два пати неделно (лосос, сардини, туна, скуша). Внесувајте ленено семе, ореви и други јаткасти плодови.
  • Воспоставувајте рутини. Вежбајте ги децата да учат секогаш во ист дел од денот, и на исто место (маса) со што се зголемува концентрацијата и капацитетот за учење;
  • Играјте мемориски игри со децата, спојувајте сложувалки, играјте шах и други активности кои поттикнуваат мисловен напор;
  • Разговарајте со своето дете за неговите искуства и барајте од него да ги прераскажува своите активности. Сеќавањата на вашето дете ќе бидат побогати и тоа ќе научи како да ги пренесе во јасна форма;
  • Цртање и боење цртежи со голем број ситни детали;
  • Пронаоѓање скриени ликови и барање разлики на слични слики;
  • Вежби со комбинации – вметнување зборови, асоцијации, синоними и споротивности;
  • Задачи за набљудување на одредени фотографии или ситуации во ограничен временски интервал по што детето би требало усмено или писмено да ги опише со што ја вежбаме краткотрајната меморија.

И на крај, но не и најмалку важно не заборавајте да го пофалите/наградите напредокот на детето. Мотивацијата често е клучен фактор за постигнување подобри резултати!


Споделете со пријателите!