Боксерки или слип гаќички? Тоа е прашање со кое се соочува секој човек што купува долна облека, но исто така е предмет на нова студија која заклучува дека боксерите се навистина најдобра опција – барем што се однесува до концентрацијата на сперма.
Боксеркии или слип гаќички? Тоа е прашање со кое се соочува секој човек што купува долна облека, но исто така е предмет на нова студија која заклучува дека боксерите се навистина најдобра опција – барем што се однесува до концентрацијата на сперма.
Резултатите од студијат укажале дека не само што концентрациите на сперматозоидите биле поголеми кај мажите кои носеле боксерки, туку и нивоата на фоликуло-стимулирачкиот хормон (FSH) за производство на сперматозоиди биле пониски, што укажува на тоа дека FSH се активира за да се компензира штетата направена од тесна долна облека, која може да создаде средина што ќе ја уништи спермата.
Биле разгледувани претходно направени студии на оваа тема како и резултатите од новите истражувања. Новите студии вклучуваат (656) учесници и биле разгледани различни аспекти на квалитетот на спермата. Сознанијата од неа ја прават корисен барометар за тоа како изборот на долна облека влијае врз плодноста кај мажите, според тимот кој стои зад оваа студија.
„Важен предност е дека во оваа студија можевме да ја испитаме потенцијалната врска помеѓу носењето долна облека и индикаторите кои укажуваат за функционирање на тестисите како што се нивото на репродуктивниот хормон и оштетување на ДНК“, вели еден од истражувачите, Лидија Мигуез-Аларкон од Харвард Т.Х.Чан школа за јавно здравство во Бостон.
Од 656 мажи кои учествувале, 345 или 53 отсто пријавиле дека носат боксерки во поголемиот дел од времето. Во просек, овие мажи имале 25% повисока концентрација на сперматозоиди, 17% повисоки тотални сперматозоиди, 33% повеќе сперматозоиди во еден ејакулат и 14% пониски нивоа на FSH од другите мажи.
Тоа е во споредба со мажите кои носеле тесни слип гаќи, „jockeys“ (долна облека што завршува веднаш над коленото) и други типови на тесна долна облека. Термините во различни делови од светот може да се разликуваат но се разбира кога зборуваме за боксерки се мисли на пожирока долна облека.
Според научниците, кога се носи тесна долна облека се генерира топлина која предизвикува пад на нивото на сперматозоидите, мозокот го ослободува хормонот гонадотропин за да се компензира, што од своја страна се рефлектира со зголемени нивоа на FSH. За сега иако, тоа е само хипотеза, ќе бидат направени понатамошни истражувања за да се потврди со сигурност. Додека врската помеѓу повисоките скротални температури и намалениот број на сперматозоиди е добро воспоставена и докажана, помалку е јасно колку е силен ефектот на долната облека.
Статистичките податоци биле измерени и секако биле земени во предвид и други фактори, вклучувајќи индекс на телесна тежина, физичка активност, па дури и колку топли бањи правел секој поединец.
Во текот на студијата не се забележани статистички значајни разлики кај другите репродуктивни хормони или во оштетувањето на ДНК на спермата.
Едно од ограничувањата на студијата што треба да се има на ум е дека учесниците биле избрани од центарот за плодност, а не од општата популација.
Исто така, може да има и дополнителни фактори – како што се тесни фармерки – кои студијата не ги зела во предвид. Како резултат на тоа, прерано е да се каже категорично дека тесна долна облека всушност е причина за пониски концентрации на сперма.
Сепак, заради големината на студијата и опсегот на анализи кои ги опфаќа, може да се каже дека постои некаква врска која не треба да се игнорира. Додека чекаме понатамошни истражувања, можеби ќе сакате да го земете во предвид овој факт следниот пат кога ќе купувате долна облека.
