zoshto-decata-ja-gubat-koncentracijata_image
Споделете со пријателите!

Концентрацијата многу често е главниот причинител за конфликт помеѓу родителите и децата
Кога ученикот со часови седи на биро, а оценките му се лоши, кај многу родители се вклучува алармиoт дека нешто не е во ред. Зошто резултатите се лоши, а детето „бдее“ над книга. Следуваат голем број прашања: Како да му се помогне? Што да се преземе? Треба ли дополнително да се дисциплинира и да се тера повеќе да учи? Дали детето, всушност, е доволно интелигентно?

Концентрацијата многу често е главниот причинител за конфликт помеѓу родителите и децата. Ако вашето дете не може да го задржи вниманието на еден предмет и скока од тема на тема, тоа е сосема нормално… до одредена граница.

„Биди внимателен, сконцентрирај се убаво!“, „Застани малку, размисли!“ Нема родители кои барем еднаш не ги упатиле овие реченици на своите деца, особено за време на пишувањето домашна задача.

Родителите треба да знаат дека концентрацијата не е одраз на интелигенцијата на детето, но е причина за неможноста за манифестирање на интелигенцијата. Концентрацијата се менува во текот на возраста и може да се учи и да се вежба, независно од тоа колку детето е интелигентно. Но факт е дека без концентрација нема успех во учењето.

Како да се подобри концентрацијата кај децата?

Не постои магична формула за тоа како да се зголеми концентрацијата кај децата кај кои таа недостига. Но, на концентрацијата може да се влијае со помош на одредени вежби и игри.

  • Прецртување различни цртежи – во почетокот поедноставни, подоцна посложени;
  • Боење цртежи од боенки со голем број ситни детали;
  • Пронаоѓање скриени ликови и барање разлики на слични слики, вежба од типот на спореди две (или повеќе) слики- што е променето, изоставено или додадено;
  • Сложувалки – домино со броеви или слики, лото, puzzle, да се исечат и состават според дадена фотографија;
  • Мисловни задачи/задолженија– „Кога ќе си доаѓаш дома, потсети ме на…“ „Што сé треба да подготвиш за да напишеш писмо?“, „Намести ја масата за јадење за 4 лица. Што сé ти е потребно за тоа?“;
  • Вежби со комбинации– вметнување зборови, дополнување со зборови, погодување животни, цвеќиња и др. Според делумни описи, на пример „Што е тоа– има четири нозе, крзно, се качува по дрва?“… Игри како што е шахот и слично;
  • Игри за распоредување според одредени критериуми – „Напиши ги сите животни што имаат крилја“, „Познаваш ли животни кои имаат повеќе од четири нозе?“;
  • Задачи за набљудување – да се набљудува текот на некоја работа или случување – довршување на одредени реченици по писмен или усмен пат (да се набљудува полицаец на раскрсница, да му се даде на детето време од една минута за набљудување на фотографијата, а потоа да се прашува на пример: „Колку луѓе имаше на фотографијата, колку животни, колку возила и сл.“);
  • Да се инсистира на навика за учење и пишување домашни задачи секогаш на исто место – самото седнување на местото на кое детето навикнало да учи придонесува кон создавање психолошка подготвеност за работа;
  • Создавање дневни рутини –  да се учи секогаш во ист дел од денот, во исто време (на пример, по ручекот или по одморот) – со тоа се зголемува концентрацијата за учење.
Прочитајте:  Исхрана при хипотрофија

„Природни витамински препарати особено оние кои се на база на Омега-3 и витамин Д3, во голема мера влијаат во насока на подобрување на вниманието, односно концентрацијата“

За среќа и на родителите и на децата, постојат природни витамински препарати кои во голема мера влијаат во насока на подобрување на вниманието, односно концентрацијата. Особено оние кои се на база на Омега-3 и витамин Д3, бидејќи според најновите истражувања проблемите во вниманието и неможноста за одржување на концентрацијата се поврзуваат и со недостаток на есенцијалните масни кислеини.  Витоси се меки пастили за џвакање со пријатен вкус на портокал, кои ќе го помогнат помнењето и концентрацијата, а со тоа и учењето кај дечињата. Наменети се за дечиња над 3 години и обезбедуваат внес на двете омега 3 есенцијални масни киселини (ДХА и ЕПА) и витамин Д со внес на само 1 пастила дневно. Пастилите Витоси се без шеќер, без вештачки бои, без глутен и лактоза, со 100% природна арома.

И за крај, психолозите велат, не заборавајте да го пофалите трудот и напредокот на детето! Тоа е мотивација која, исто така, влијае на успехот во одржувањето на концентрацијата и вниманието.

PharmaS_Vitosi_baner_700x90


Споделете со пријателите!