Некои го сметаат појадокот за најважниот оброк во текот на денот додека други го прескокнуваат
Без разлика дали спаѓате во првата или втората група, треба да се запрашате дали го правите вистинскиот избор. На некои луѓе појадокот им е потребен за да ја добијат потребната енергија на почетокот на денот. Но, некои други луѓе ќе се насочат кон прескокнување на нормалниот појадок сè со цел да се придржат до својата цел – губење на тежина. Најголемата грешка би била кога појадокот не би бил усогласен со вашата цел. На пример, кога целта би била да ослабите, не би требало да јадете храна која би ја јаделе луѓето што сакаат да ја зголемат мускулната маса, и обратно. Но, без разлика која е вашата цел, еве неколку грешки што би требало да ги избегнувате кога појадувате.
Не го затрупувајте утринското кафе со шеќер или млеко
Кафето наутро им е потребно на многумина од нас затоа што нè расонува и ни помага да се фокусираме, а и го забрзува нашиот организам. Но, доколку претерате со шеќерот или млекото во кафето ќе ги зголемите калориите. Вишокот на шеќер ќе ве исполни со инстант енергија, но веднаш потоа ќе настане нагло паѓање на енергијата (затоа што телото бара начин да се ослободи од вишокот шеќер во крвта преку лачење на инсулин). Поради ова, пијте го кафето без шеќер и млеко. Доколку ви е тешко да се откажете од шеќерот и млекото, започнете да ги користите во мали количини.
Не заборавајте да пиете вода
Дури и ако не се чувствувате жедни кога ќе се разбудите, знајте дека на вашето тело му е потребна вода, а недостатокот од вода може негативно да влијае и на вашето тело и на вашиот мозок. Испијте од 200 до 350 милилитри вода (една чаша) уште кога ќе се разбудите. Пиењето вода наутро е особено важно кога вежбате во овој дел од денот.
Внимателно читајте ги ознаките на продуктите
Како резултат на маркетиншки трикови, продуктите кои наутро се наоѓаат на нашата трпеза честопати се означени дека содржат мало количество на шеќер или дека не содржат глутен. Но, таквите продукти најчесто шеќерот го надополнуваат со зголемено количество на други несакани состојки (вишок масти или додаток на шеќер наместо глутен).
При ваков случај, најдобро би било внимателно да се читаат ознаките за состојките или хранливите вредности.
На тој начин ќе бидеме сигурни дека сме го одбрале најдобриот хранлив избор за да можеме да ја достигнеме нашата цел што е можно побрзо.
Претпазливо со јаглехидратите
Доста често, јаглехидратите го наоѓаат своето место како прв оброк во текот во денот. Но, бидете претпазливи и одберете ги продуктите кои што покрај јаглехидрати содржат и растителни влакна. Благодарение на влакната, ќе се чувствувате сити и ќе ја зачувате енергијата подолго време за остатокот од денот.
Сок за појадок можеби не е доволен
Цедените сокови се навистина добар избор за започнување на денот затоа што се богати со потребните хранливи материи од овошјето и зеленчукот.
Но, појадокот кој се состои само од цеден сок можеби не е доволен за да ве држи сити и полни со енергија после одредено време поради недостатокот на влакна. Дополнете го ваквиот вид на појадок со протеини или комбинација на јаглехидрати и растителни влакна.
Појадокот е сепак најважниот оброк во текот на денот. Погрешно би било доколку го прескокнеме целосно или доколку појадуваме погрешен избор на храна која не соодветствува со нашите цели.
