koe-e-najdobroto-vreme-za-vezbanje
Споделете со пријателите!

Наутро, напладне или навечер? Кое е најдоброто време за вежбање? Најдоброто време е индивидуално за секого и зависи од многу фактори и начинот на живот. Вежбајте кога сакате, само држете ритам и редовност!
Можеби сте слушнале дека најидеалното време за вежбање е рано наутро – со цел да се поттикне метаболизмот или пак, за да се избегнат неочекуваните проблеми што ги носи денот, а коишто можат да ви го попречат вашиот режим. „Дали постојат разлики кај вежбањето во различен временски период од денот? Можеби. Но, тие разлики би биле незначителни во споредба со целокупниот ефект од конзистентното вежбање“ – вели Расел Пејт – Russell Pate, доктор на науки и професор по наука за вежбање во Школата за јавно здравје – Arnold School of Public Health при Универзитетот од Јужна Каролина во Колумбија.

„Најидеалното време од денот е кога тоа ќе го направите најдоследно, бидејќи придобивките од физичката активност се најтесно поврзани со количеството кое се остварува на доследно ниво“ – рече Пејт.

Најидеалното време за вежбање е индивидуално за секој поединец

Треба да се сфати дека времето за вежбање не е најважно, туку важно е како се вежба и колку се вежба, а најважен од се е континуитетот. Одредувањето на најсоодветното време за физички активности зависи од многу фактори, како локација, тип на физичката активност, слободно време, возраст, физичка подготвеност итн. „Не е најважно кога, туку каква е активноста, со кого и каде“ – рече Пејт, кој исто така е волонтер во Американската асоцијација за срце. „Оваа комбинација од фактори за луѓето доаѓаат во судир за да резултираат со конзистентност“ – додава Пејт.

Секој е различен

„Различните луѓе ќе имаат различни параметри и предиспозиции во однос на тоа како тие реагираат на вежбањето во различни периоди од денот“ – објаснува Пејт. На пример, доколку за некого е многу поверојатно да вежба редовно со партнер, „тогаш тој/таа е подобро да се одлучи за социјалниот дел, без оглед за кое време од денот станува збор“ – истакнува тој.

Секој треба да го прави она што е најдобро за него и никој не треба да си причинува непотребни тешкотии, бидејќи нема потреба.

„Доколку не сте утринска личност, за вас нема да биде добро доколку се трудите да станете во пет часот наутро за да спортувате“ – изјавува тој.

Прочитајте:  10 здрави совети од нутриционистите 

Колку е најдобро да се вежба за да се биде здрав?

Американската асоцијација за срце препорачува најмалку 150 минути (2 часа и 30 минути) неделно и тоа физичка активност со средна јачина или 75 минути (час и 15 минути) неделно аеробна физичка активност со јак интензитет. Но, што доколку немате време? Експертите велат дека сесиите не мора да траат долго, туку може да се извежбаат повеќе пократки сесии.

Препорачаната физичка активност „не мора да се реализира во една сесија од еднаш, туку може да се раситни и во текот на денот“ – вели Пејт. „Повеќе е подобро, но ние сме апсолутно сигурни дека дури и количините на вежби со среден интензитет се многу подобри отколку да се живее седентарно“ – без никаква физичка активност, заклучува Пејт. Запомнете, вежбањето е секоја физичка активност којашто го забрзува чукањето на срцето во времетраење од најмалку 10 минути од еднаш. Затоа станете и вежбајте кога вам ви одговара и не одолговлекувајте, не оставајте за утре, туку започнете со вежбање денес!


Споделете со пријателите!