vistinata-za-jaglehidratite
Споделете со пријателите!

Наместо да ги броите калориите од јаглехидратите – фокусирајте се на правилниот избор на јаглехидрати, бидејќи тие се неопходен извор на енергија, особено кога сте активни и речиси е невозможно целосно да се елиминираат од исхраната
Јаглехидратите во последно време станаа критикувани, особено од страна на многу од режимите на исхрана за намалување на тежината. Ова особено е потенцирано во многу од популарните ниско-јаглехидратни диетиlow-carb diets. Поради погрешното интерпретирање на овие диети, кај луѓето се создаде аверзија кон јаглехидратите и сметани се како еден од најголемите причинители за зголемена тежина. Јаглехидратите се важен дел од избалансираната исхрана, исто како што се протеините и мастите.

„Вашето расположение може да страда доколку сте на подолгорочна ниско-јаглехидратна диета, а притоа да бидете се поагресивни и подепресивни потврдуваат експертите“

Треба да знаеме дека сите јаглехидрати не се исти. Постојат „добри и лоши“ јаглехидрати, во зависност од нивното потекло. Како одличен извор на „најдобри“ јаглехидрати се листестиот зеленчук (кељ, спанаќ, марула, зелки, марулите, брокули, карфиол…) и бобинките, како извор на „добри“ јаглехидрати се сметаат зеленчуците со скроб (компири, слатки компири, тикви…) и останатиот зеленчук и овошје, додека како „лоши“ јаглехидрати се сметаат слатките закуски со бел шеќер, газираните и негазираните зашеќерени пијалаци, но и житните производи и житата (лебот, шпагети, макарони, житарици, ориз…).

Диететичарот Сајан Портер – Sian Porter вели – „Јаглехидратите се толку многу широка категорија и луѓето треба да знаат дека не сите јаглехидрати се исти и важен е типот и квантитетот на јаглехидратите во твојата диета. Додека треба да го намалиме количеството на внесуван шеќер во нашата диета, ние треба да ги базираме нашите оброци на скробните јаглехидрати. Постојат јаки докази дека растителните влакна, пронајдени во цело-зрнестите верзии на скробни јаглехидрати, се добри за нашето здравје“.

Јаглехидратите се извор на енергија. Кога ги јадеме, телото ги конвертира повеќето јаглехидрати во глукоза (шеќер), која е користена од страна на телото како „гориво“ за клетките, како на мозокот, така и на мускулите.

Затоа кога имаме зголемен физички напор и психички напор (кога учиме на пр.), потребни ни се повеќе јаглехидрати, бидејќи на телото му треба повеќе „гориво“. „Јаглехидратите треба да бидат еден од најголемите делови од твојата диета, особено кога си активен„ – вели Кели Причет – Kelly Pritchett, спортска диететичарка за Академијата на нутриционистиката и диететиката – Academy of Nutrition and Dietetics.

Постојат три различни типови на јаглехидрати:

  1. ШеќерПриродните шеќери се наоѓаат во овошјето (фруктоза), во млекото – (лактоза), во медот, зеленчуците. Препорачано е да се одбегнува рафинираниот бел шеќер;
  2. Скроб – Овозможуваат бавно и постојано ослободување на енергија во текот на целиот ден;
  3. Растителни влакна – Овозможуваат да се намали нивото на холестерол во крвта.
Прочитајте:  Како да ја превенираме БХП и да ги ублажиме нејзините симптоми

Треба да се има пред вид исто така дека постојат многу малку продукти кои поседуваат само една од трите големи макронутритивни состојки (масти, протеини, шеќери). Сите производи претставуваат комбинација од јаглехидрати, масти и протеини, со различен сооднос и речиси е невозможно потполно да се елиминираат од исхраната. Избегнувањето на сите типови на јаглехидрати е лошо за здравјето, бидејќи несвесно ги елиминираме и другите важни нутритивни елементи кои одат во комбинација. „Многу од витамините и минералите кои ни се потребни доаѓаат од овошјата и зеленчуците, па нивното елиминирање може да доведе до дефицитет“ – вели експертот Тања ЦукербротTanya Zuckerbrot.

Вашето расположение исто така може да страда. Една студија потврди дека лицата кои долгорочно се на ниско-јаглехидратна диета се поагресивни и подепресивни, отколку оние кои биле на ниско-масна диета. 


Споделете со пријателите!