Споделете со пријателите!
Окупирани со секојдневни проблеми, многумина забораваат на радоста од бакнувањето. Токму затоа, денес се слави бакнежот
Денешниот ден е прогласен за Светски ден на бакнежот. Идејата за славење на ваков ден потекнува од тоа дека многу луѓе забораваат на едноставните задоволства на бакнувањето како причина сама за себе, а не како социјална формалност или предигра. Бакнувањето е искажување и доживување на интимност. Бакнежот се користи да се изрази љубов, страст, наклонетост, почит, честитка, пријателство, да се посака среќа. Скоро сите култури во светот го сметаат бакнежот како облик на изразување на емоции.
Токму затоа, луѓето повеќе се сеќаваат на првиот бакнеж отколку на првиот интимен однос. Првиот бакнеж има романтична аура која може да биде инспирација и поим за убавина и невиност по која се трага цел живот.
Според Гинисовата книга на рекорди, еден пар од Тајланд го држи рекордот за најдолг бакнеж. Тие се бакнувале без пауза дури 58 часа.
При романтично бакнување, се разменуваат над десет милиони бактерии, а од бакнување може да се добие т.н. болест на бакнежот или мононуклеоза. Но, бакнувањето има многу повеќе позитивни здравствени придобивки отколку негативни. Дел од нив се:
- Бакнувањето е добро за забите. Бидејќи бакнувањето стимулира лачење на плунка, таа ги измива штетните бактерии од забите и со тоа ги чисти;
- Согорува калории. Најмалку 2 калории во минута се трошат при бакнување;
- Го зајакнува имунитетот. Само 3 бакнежи дневно се доволни за забрзување и зацврстување на метаболизмот;
- Го намалува стресот. Бакнувањето ослободува серотонин, допамин и адреналин.
* Фотографијата е авторско дело на Alfred Eisenstaedt, за магазинот Life, 1945 година
Споделете со пријателите!
