kako-mozokot-formira-sekavanja
Споделете со пријателите!

Човековиот мозок е најсложениот жив систем
Формирањето сеќавања претставува фундамент на поимањето за човекот, за тоа што значи да си човек. Сеќавањето нè прави тоа што сме и ни помага да одржуваме врска со реалноста. Човековиот мозок е најсложената жива структура досега позната. Овој најкомплексен орган поседува околу 100 милијарди неврони кои меѓусебно пренесуваат сигнали преку голем број врски што ги остваруваат синапсите. Тој постојано прима и анализира сензорни информации, одговарајќи со контролирање на сите телесни активности и функции.

„Нашите животи се дефинирани од сеќавања, составени од слики, звуци, мириси и чувства“

Запишувањето е првиот чекор кон формирање на сеќавањето. Овој биолошки феномен кој што зависи од сетилата, почнува со перцепцијата. Перцепцијата е заслужна зошто на некои работи што особено ни значат се сеќаваме, а на некои не. Поточно кажано, научниците сметаат дека хипокампусот заедно со фронталниот кортекс, се задолжени за различните сензорни влезови и тие ја носат одлуката дали дадените сеќавања треба да се зачуваат во долготрајната меморија

За сеќавањето соодветно да се зачува, потребно е да се обрати внимание. Бидејќи едноставно не можеме да посветиме доволно внимание на секојдневните работи, многу од нив, секојдневно се бришат, а остануваат само неколку. Врските помеѓу мозочните ќелии се активни и се менуваат цело време. Тие функционираат како заедничка мрежа и се организираат во групи, специјализирани за процесирање на различни видови на информации.

Колку повеќе учиме и искусуваме, толку повеќе мозокот создава нови врски.

Мозокот како еден идеален совршен систем, се организира самиот како резултат на искуствата, формирајќи сеќавања поттикнати од надворешните дразби како производ на искуство, образование или вежби.

Прочитајте:  Човечкиот мозок и мултитаскингот

Краткото видео прикажано подолу, докажува дека не попусто се прават споредбите дека мозокот наликува на универзум, а универзумот има структура на мозок. Впрочем, причината за овој текст е токму ова видео, кое личи како снимка од универзумот. Погледнете:

 


Споделете со пријателите!