kolku-dolgo-treba-da-trae-seksot
Споделете со пријателите!

Научниците во обид да дадат одговор на прашањето: „Кое е вообичаеното време на интравагиналната ејакулација?“ – дојдоа до заклучокот дека сексот трае различно кај секој пар
Не се грижете доколку не сте задоволни од должината на интимното задоволство со вашиот партнер, затоа што не сте сами. Но, зошто е важно да се знае колку во просек трае сексот? Сексот не само што е неопходен за добро здравје, тој претставува една од најдобрите кардио вежби, поточно со само триесет минути поминати водејќи љубов, трошите 200 калории!

Еден сексуален чин не се состои само во пенетрацијата. Бакнувањето, гушкањето и галењето, исто така се дел од сексот, но за да може да се прецизира времето на чинот – научниците се фокусирале само на времетраењето на ејакулацијата.

Најдобрата студија до сега била спроведена врз 500 парови од целиот свет коишто самостојно го мереле времето со стоперка и тоа морале да го прават еден месец. Паровите притискале „СТАРТ“ кога започнувале со вагинална пенетрација, а стопирале за време на ејакулацијата. Сепак, оваа студија не може да биде релевантен одраз на реалноста, затоа што паровите самостојно го мереле времето, што значи дека постои можноста дека не биле искрени.

„Според истражувањето, сексот во просек трае околу 5 минути“

Друг недостаток е тоа што кога треба да се мери времето – сексот не е исто толку опуштен и природен. Најинтересно било тоа што научниците забележале огромен вариетет на времетраењето на сексот. Статистиките укажуваат дека просечниот период за секој пар изведен од сите нивни мерени сексуални односи се движел од 33 секунди до 44 минути. 

Прочитајте:  Подгответе ги скиите [ВИДЕО]

Ако е кратко и слатко, тогаш сè е во ред 

Не се обесхрабрувајте со помислата дека не сте добри во кревет и дека сексот со партнерот кратко ви трае, затоа што не постои „нормално“ времетраење на сексот. Доколку се споредат сите 500 љубовни двојки од истражувањето, започнувајќи од нивниот најкраток до нивниот најдолг секс, просекот е 5,4 минути.

Значителен податок е тој дека заедно со возраста на испитаниците времетраењето на нивниот секс се намалувало. 

Ова истражување дојде и до некои интересни секундарни резултати. Имено, сензитивноста на пенисот не била поврзана со времетраењето на сексот. Употребата на кондом или обрежувањето не влијаеле различно на времето. Исто така, забележани се и незначителни разлики во однос на потеклото на испитаниците. Само сексот на паровите од Турција во просек траел помалку од другите националности, односно 3,7 минути.


Споделете со пријателите!