vnesot-na-kafe-zavisi-od-varijacijata-na-genite_image
Споделете со пријателите!

Кофеинот е нашата омилена зависност. Пропуштање на вообичаената дневна доза, може да доведе до главоболка, а кај некои луѓе може да предизвика мигрена.
Кофеинот е стимуланс. Тој брзо влегува во нашиот мозок и ги блокира (аденозинските) рецептори кои се одговорни за забавување на активноста на мозокот. Со консумирање на кофеин добиваме субјективно чувство на оживување, фокус и суптилна еуфорија. Неговото дејство, исто така, може да ја подобри нашата реализација во поглед на можност да се фокусираме на одредени задачи, како што се возење или концентрација за следење на некое долго предавање.

Ова е стимулирачкиот ефект на кофеин. Што прави неговиот обратен ефект? Се она што ни се случува кога не ја примаме вообичаената доза е всушност неговата темна страна.

Сите стимулирачки ефекти на активноста на мозокот после пиење на нашата доза, траат многу пократко одколку сите обратни ефекти кога не ја добиваме својата дневна доза кафе. Друг проблем е тоа што кофеинот не прави зависни и доколку не ја добиеме количината која редовно ја консумираме може да се чувствуваме уморни, невнимателни, раздразливи и мамурни. Ова е познато како апстинентен синдром. Многу луѓе редовно пијат пијалаци кои содржат кофеин само за да не се чувствуваат на овој начин.

Најчестиот симптом со кој се соочуваат храбрите кои сакаат да се одкажат од оваа навика е главоболка.

Овие главоболки обично се благи и краткотрајни, почесто со времетраење од само еден или два дена, иако понекогаш може да траат до недела. Тоа чувство на главоболка е како да имате стегач на вашата глава и се нарекува тензиона главоболка.

Повлекувањето на кофеинот од секојдневието кај некои луѓе може да предизвика мигрена.

Апстинентен синдром при прекинување на консумација на продукти кои содржат би доживеале можеби половина од сите редовни консумирачи на чај или кафе, доколку нагло прекинат со оваа навика. Колку повеќе пиеме и колку по редовно пиеме кофеин, толку е поголема веројатноста дека ќе доживееме апстинентен синдром и главоболка доколку не ја испиеме дневната доза и прекинеме.

Прочитајте:  И електронската цигара, создава зависност

Оваа појава може да се случи дури и кај луѓе кои секојдневно пијат само една чаша, а потоа се откажуваат од кофеин. Доволно е да консумираме кафе само три дена по ред за да се чувствуваме лошо кога нема да имаме можност да го направиме тоа.

Апстинентниот синдром се јавува само доколку потполно и нагло го прекинеме кофеинот, во спротивно доволна е само голтка за да не држи подалеку од проблемите кои се јавуваат.

Доколку сте решиле да го тргнете комплетно кофеинот од вашето секојдневие тогаш главоболката би требало да трае само два дена, и доколку продолжи подолго ќе помогне само една голтка кафе и главоболката ќе исчезне за само половина до еден час.

„Повеќе од 90% од возрасните пијат кафе или чај, и на тој начин обезбедуваат енергија за ревитализација во секојдневието.“

Дел од оваа приказна е и заради нашата антиципација на информацијата дека кафето ни е потребно за да функционираме. Всушност, австралиски истражувачи откриле дека некој кој доживува апстинентен синдром при декафеинизација, симптомите може да му прекината и со плацебо ефект давајќи им на пациентите кафе без кофеин. Се разбира, овој трик нема да функционира ако си го купите сами кафето без кофеин.

Повеќе од 90 проценти од сите возрасни пијат кафе или чај, и на тој начин обезбедуваат енергија за ревитализација за да ги завршат агендите во презафатеното секојдневие. Доколку сепак сте донеле решение да го оставите овој порок и доколку главоболката е сериозна и упорна се разбира дека може да се употребат нестероидни антиинфламаторни аналгетици во комбинација со кофеин неколку пати во терминот кога би ја испуштиле дневната доза за да го надминете апстинентниот синдром.


Споделете со пријателите!