pojava-na-glavobolka-za-vreme-ili-po-vezhbanje_image
Споделете со пријателите!

Главоболките што може да се појават за време и по вежбањето се делат во две категории
Главоболка може да се појави за време или по напорно вежбање или тренинг. Некои од физичките активности кои може да причинат главоболка се трчање, веслање, играње тенис, пливање и кревање тежина.

Главоболките што може да се појават за време и по вежбањето се делат во две категории: примарни и секундарни. Примарните главоболки се обично безопасни, не се поврзани со било какви проблеми и често може да се спречат со лекови. Секундарните главоболки често се предизвикани од скриен, вообичаено посериозен проблем во мозокот, како што се крварење или тумор, или надвор од мозокот, како што е коронарната артериска болест или КАБ. Секундарните главоболки може да бараат итна медицинска помош.

Со какви симптоми се одликуваат примарни и секундарни главоболки?

Примарни главоболки

  • вообичаено се опишуваат како треперење/пулсирање;
  • се појавуваат за време или по напорни вежби;
  • во повеќето случаи ги зафаќаат двете страни на главата.

pojava-na-glavobolka-za-vreme-ili-po-vezhbanje_image1

Секундарни главоболки

Се манифестираат со истите симптоми како примарните главоболки, но може да предизвикаат и:

  • повраќање;
  • губење на свеста;
  • појава на замаглени слики;
  • вкочанетост на вратот.

Примарните главоболки вообичаено траат помеѓу 5 минути и 48 часа, додека секундарните главоболки вообичаено траат најмалку еден ден, а понекогаш може да се задржат и неколку денови или подолго.

Кои се причините за појава на главоболка за време и по вежбањето?

Примарни главоболки

Точната причина примарните главоболки е непозната. Една теорија е дека напорните вежби ги прошируваат крвните садови во черепот.

Секундарни главоболки

Прочитајте:  Викенд одбележан во духот на здравјето, фитнесот и велнесот!

Секундарните главоболки вообичаено се предизвикани од некој скриен проблем кој може да биде:

  • крварење во областа помеѓу мозокот и тенките мембрани кои го покриваат мозокот (субарахноидално крварење);
  • абнормалности во крвните садови што одат до или во мозокот;
  • канцерогени или неканцерогени тумори;
  • опструкција на протокот на цереброспиналната течност;
  • синусна инфекција;
  • структурни абнормалности во главата, вратот или ‘рбетот.

Ризични фактори за појава на главоболка за време и по вежбање

  • вежбање на многу топло време;
  • вежбање на голема надморска височина;
  • историја на мигрени во семејството.

Споделете со пријателите!