Споделете со пријателите!

Подигнување на свеста за важноста на вакцинацијата
Кампања за јакнење на свеста за грипот и важноста од вакцинација против сезонски грип особено кај лица со висок ризик од сериозна инфекција со можни компликации се спроведува секоја година во Октомври во Европа со подршка на Светската здравствена организација (СЗО).

Зошто специфична кампања за грип?

Грипот вообичаено е заболување од кое повеќето луѓе брзо се опоравуваат. Но некои луѓе се изложени на висок ризик од сериозни компликации, од кои некои може да бидат опасни по живот и да резултираат со смрт.  Лицата постари од 65 години, бремените жени, малите деца и лицата со дуги здравствени состојби имаат поголема веројатност од другите да развијат тешка болест во случај да бидат заболени од грип. Наспроти овие лица, здравствените работници се секојдневно повеќе изложени на различни вируси, вклучувајќи го и вирусот на инфлуенца, и треба да бидат вакцинирани за да се заштитат себеси и нивните пациенти.

Грипот претставува големо оптоварување врз здравјето на луѓето во Европа и светот секоја година. Се проценува дека во земјите на Европа секоја година околу  50 милиони луѓе имаат грип, а како последица помеѓу 15 000 – 70 000 се смета дека умираат од компликации поврзани со грипот.  Дополнително, како резултат на грип се забележуваат многу отсуства од работа, загуби во производството и притисок врз здравствените и социјалните услуги, високи социјални и економски трошоци.

Вакцинацијата е најдобар начин за спречување на грипот.  Имајќи во предвид дека вирусите на грип се  менуваат секоја година, секоја година е потребна вакцинација против вирусот на грип кој е присутен во тековната сезона. Октомври е оптимално време за да се добие вакцина против грип.

Прочитајте:  8ми состанок на Иницијативата на СЗО за следење на дебелината кај децата

Придружете се кон иницијативата за зголемување на покриеноста со вакцинацијата преку подигнување на свеста за важноста на вакцинацијата!

Превземено од: Институт за јавно здравје на Република Македонија

Прочитајте повеќе»


Споделете со пријателите!