Работните денови честопати може да се претворат во емотивни ролеркостери што создаваат стрес што може негативно да се одрази на работата и здравјето
Кога стресот на работното место станува премногу?
Кога е позитивен, стресот на работното место може да помогне да останете фокусирани на работата, како и да ве поттикне да работите подобро и поефективно. Меѓудругото, позитивниот стрес често овозможува подобро да се справите со новите работни предизвици. Но во денешното динамично и хаотично секојдневие, работните денови честопати се претвораат во емотивни ролеркостери што создаваат стрес што може негативно да се одрази на работата, но и на здравјето. Доколку стресот на работното место почнува да ви влијае на секојдневното расположение, ви создава главоболки и ве спречува во доброто извршување на обврските, потребно е да направите пауза и да преземете нешто.
Од што може да биде предизвикан стресот на работното место:
- прекувремена работа;
- страв од отказ;
- постојан притисок за побрзо извршување на одредени обврски;
- кратки рокови за извршување на задачите;
- работење на повеќе задачи истовремено;
- несогласување со колегите или надредените.
Кои се знаците дека сте под стрес на работното место:
- чувство на безволност, напнатост, иритираност и сл.;
- губење на интересот кон работата;
- проблеми со спиењето;
- проблеми со концентрацијата;
- чести главоболки;
- емотивна и социјална повлеченост.
Совети за намалување на стресот
- разговарајте и консултирајте се со семејството и колегите;
- одредете ги приоритетите и организирајте се подобро;
- направете план за извршување на задачите;
- правете пауза од работата;
- избегнувајте конфликти со колегите.