Гладни сте навечер?

Победете го ноќниот глад на паметен начин

Добро општопознато правило е дека не се препорачува да се јаде после 20 часот. Меѓутоа, денешниот начин на живот многу често подразбира и легнување доцна во ноќта, така што ова правило ретко кој го применува. Добрата вест е дека проблемот со зголемената телесна тежина можеби не се крие во доцната вечера, туку во тоа што јадете и секако, колку. Имено, доколку се јаде паметно, вечерата може позитивно да влијае врз метаболизмот и сонот. Консумирањето јаглехидрати со ниска вредност на гликемиски индекс (ГИ), го помага контролирањето на шеќерот во крвта наредниот ден и може да го регулира апетитот. Затоа, дознајте што да јадете а што не, доколку „ве нападне“ гладта.

Избегнувајте ја оваа храна:

Секоја зачинета храна – бидејќи го буди организмот и го загрева телото; црвено месо – бидејќи е потребно многу време да се свари, полномасно сирење, овошје, леб, слатки, мед, компири.

Храна која може да ја јадете навечер:

Чаша млеко или чај од камилица, овесна каша, зелена салата со туна, целер, тиквички, нискокалорично сирење. Иако чоколадото е на забранетата листа, слободно може да уживате во вкусот на темното чоколадо кое што содржи голем процент на какао. Исто така, за заситување на ноќниот глад, се препорачува консумирање на јаткасти плодови. Тие содржат триптофан, есенцијална аминокиселина која се претвора во серотонин, хормон, кој заедно со мелатонинот се од клучно значење за квалитетен сон. Мелатонинот го има најмногу во оревите. Добар избор за доцна вечерна закуска се ф’стаците, кои не само што изобилуваат со хранливи влакна и витамин Б6, туку е потребно повеќе време за да се исчистат, а тоа значи дека би ги консумирале во помала количина.