dali-zacinetata-hrana-moze-da-vi-go-prodolzi-zivotot
Споделете со пријателите!

Според една кинеска студија, луѓето кои редовното консумираат зачинета храна си го продолжуваат животот за 14 проценти, открива едно ново истражување
Можеби и покрај општите препораки за избегнување на прекумерно внесување на зачинета а особено лута храна, има и една добра вест за љубителите на зачинетата храна. Најновото истражување укажува дека континуираното консумирање на зачинета храна го продолжува животот со тоа што го намалува ризикот од заболување од рак, дијабетес и срцеви заболувања. Лутата и зачинета храна е на менито на многу национални кујни ширум светот. И во македонската народна кујна, тешко дека може да се замисли било кое јадење без лута пиперка. Лутата и зачинета храна го поттикнува слабеењето, таа е антиоксиданс, а поседува и антивоспалителни и антиканцерогени својства.

„Дали македонската зачинета кујна може да го продолжи животниот век?“

Интернационален тим воден од истражувачи од Кинеската академија на медицински науки – Chinese Academy of Medical Sciences, врз одбрани испитаници, го споредуваа внесот на зачинета храна како дел од секојдневната исхрана, со целосниот ризик и причините за смрт. Истражувањето опфати 485 илјади Кинези од повеќе возрасни групи, од 30 до 79 години. Учесниците беа набљудувани во временски период од 2004 до 2008 година.

Сите испитаници претходно пополниле прашалник за нивното здравје, мерки и пропорции, како и за секојдневните навики во исхраната поврзани со внесување на зачинета храна, црвено месо, зеленчук и алкохол. Од истражувањето биле исклучени оние со историја на болести, а биле земени во предвид многу други параметри за споредување, како возраст, брачен статус, ниво на образование и физичка активност.

Испитаниците кои јаделе зачинета храна скоро секој ден покажале 14 проценти намалување во стапката на смртност за разлика од оние кои внесувале зачинета храна еднаш неделно. Резултатите биле подобри кај онаа група која не консумирала алкохол и ефектот бил повидлив кај жените отколку кај мажите.

Истражувачите од Кембриџ, на оваа студија одговорија дека за време на истражувањето биле земани во предвид произволни мерки за дневниот внес на зачинета храна, па оттаму не би требало со потполна сигурност да се тврди заклучокот на ова истражување како дефинитивен. „Дали луѓето треба да јадат зачинета храна? Прерано е да се каже, но истражувањата се зголемуваат и дебатите се вжештуваат“, вели Nita Forouhi од Универзитетот во Кембриџ.

Прочитајте:  Артритисот и исхраната

Споделете со пријателите!