Врската помеѓу сонот и стресот

Неколку навики поврзани со спиењето кои што треба да ги промените ако сакате да бидете здрави 

Во време кога стресот е дел од секојдневното живеење, ретко кој може да каже дека спие доволно. Неквалитетниот сон води кон помала продуктивност и поголем стрес, додека зголеменото ниво на стрес води до неквалитетен сон со што се формира еден круг од кој тешко се излегува. Постојат бројни причини поради кои недоволно спиете, а ние ќе ви наведеме неколку поважни. Нивното подобрување, значително ќе ви го подобри сонот, па ќе бидете поодморени а со тоа и поздрави.

Сонот го сметате како опција

Големиот број на обврски не ви дозволува да спиете доволен број на часови, па затоа свесно го намалувате времетраењето на потребниот сон.

Но имајте на ум дека секогаш кога го скратувате сонот, вие си го скратувате здравјето. Сонот не е опција што може да се избере, туку е потреба.

Никој не може без сон. Она што е различно кај секого, е бројот на потребни часови за одмор, но општо препорачани се 7 часови непрекинат сон за квалитетен одмор. Исто така, многу е важно да се будите и да заспивате во исто време.

Го оддолжувате будењето

Уште веднаш исклучете ги петте аларми, кои што ги имате наместено на временски интервали од 5 минути. Не се измачувајте непотребно, бидејќи ова нема никаков позитивен ефект. Оваа навика може само да ви ги скрати циклусот на спиење и ќе придонесе за уште поголем умор во текот на денот.

Ја потценувате дремката

Придобивките од дремката се многу корисни, сè додека знаете како да ја практикувате. Имено, потребна ви е рутина со која треба да се придржувате за дремката да биде делотворна. Најдобро време за дремка е седум до осум часови по станувањето и таа треба да биде не подолга од половина час.

Пиете алкохол пред спиење

Многумина веруваат дека алкохол пред спиење значи побрзо заспивање. И покрај тоа што на почетокот спиењето може да биде подлабоко, алкохолот всушност може да ја прекине длабоката фаза на сон (REM фазата). Алкохолот исто така го дехидрира телото што значи неквалитетен сон и непродуктивен ден.

Спиете со телефонот

Проверување на социјалните мрежи пред спиење можеби е активност која ве релаксира, но сината светлина од телефонот му пречи на мелатонинот  во вашето тело кој што е задолжен за сонот и за правилниот биоритам.

Водите неактивен живот

Доколку не се занимавате со никаква физичка активност, вишокот на енергија се одразува врз спиењето. На телото му е потребно таа енергија да ја потроши преку физичка активност за правилно и квалитетно да се одмори. Доколку не ви се вежба активно, потребно е да одделите буквално 10 минути за најобични вежби за истегнување и да внесете некои промени во секојдневните активности, како на пример, одете пеш или почесто возете велосипед и поминувајте повеќе време надвор.