zosto-sme-podebeli-od-porano_image
Споделете со пријателите!

Неколку причини зошто сме подебели од пред 30 години
Денешниот човек на возраст од четириесет години е значително подебел од неговиот врсник од пред триесет години. И покрај истите животни навики во поглед на исхрана и вежбање, тие значително се разликуваат кога станува збор за телесната тежина, открива едно ново истражување.

Истражувањето, како резултат на податоци собирани над триесет години а поврзани со навиките во исхраната и вежбањето, покажало дека кога истите фактори се изедначат порано и денес, денешниот човек би имал за 10 проценти поголема телесна маса. Тоа значи дека доколку човек јаде ист број на калории, масти и протеини и вежба исто толку време како и некој од 1988 година (кој е на иста возраст), би бил потежок денес.

Истражувачите објаснуваат дека нашата телесна тежина зависи од животниот стил но и од животната средина, и набројуваат неколку причини зошто денес е потешко да се одржи оптимална телесна тежина за разлика од порано.

Препишани лекови

Дополнителен фактор кој влијае врз епидемијата на дебелеење се препишаните лекови. Експерите истакнуваат дека околу 25 проценти од оние кои земаат антидепресиви, се очекува да ја зголемат телесната тежина за пет и повеќе килограми. Освен зголемување на телесната тежина, препишаните лекови имаат бројни штетни последици за целокупното здравје и потребна е голема информираност и познавање пред да бидат препишани.

Изложеност на хемикалии

Денешниот човек е од сите страни изложен на токсини, најмногу преку храната. Тоа е така, бидејќи се користаат многу пестицици при стандардното одгледување на овошјето и зеленчукот кои секојдневно ги консумираме. Освен со дебелината, песитцидите се поврзани и со дијабетесот како и со многу заболувања, како на пример рак, аутизам и неплодност.

Прочитајте:  Совети како да го избегнете прејадувањето за време на празниците

Дехидратација

Дали знаете дека пиењето две чаши вода пред јадење како и намалување на количината на дневните оброци, ќе ви помогне да ја намалите телесната тежина? Или кажано во мотивациски манир, пиењето еден и пол литар вода дневно, може да согори дополнителни 17 илјади калории на годишно ниво. Тоа е така бидејќи пиењето вода го забрзува метаболизмот.

Треба да се препознае чувството на глад кое што често е резултат на дехидратација а не на потребата за калории.

Брза нездрава храна

„Проблемот со консумирање брза преработена храна полна со адитиви е посуштински, вкоренет во самата култура и начин на живеење како производ на современите вредности и навики“

Лесната пристапност на брзата храна ја направи незаменлив дел од секојдневното живеење и  главен виновник за епидемијата на дебелеење. Брзата храна е полна со конзерванси и масти и скоро и да нема хранливи влакна. Токму затоа, за брзо време после оброкот, повторно се чувствува глад. Зголемениот број на вакви оброци значи и значително зголемување на телесната тежина. Истражувачите за оваа навика на консумирање брза храна го обвинуваат рекламирањето на компаниите кои што произведуваат ваква храна, но проблемот е посуштински, вкоренет во самата култура и начин на живеење како производ на современите вредности и навики.

И покрај горенаведените причини, никако не треба да се исклучи индивидуалната одговорност кон здравјето. Најдобар начин за одржување на оптимална телесна тежина останува спојот на балансирана исхрана и континуирана физичка активност, како и избегнување на преработена храна која содржи конзерванси, пестициди и адитиви.


Споделете со пријателите!