Споделете со пријателите!
Сезоната на тикви започнува, искористете ги предностите на сезонските зеленчуци
Ретко јадеме вакви салати, со некоја житарка, иако се вкусни и е многу здраво да се јадат житарките цели и необработени. Оваа шарена салата не може да не биде вкусна и здрава со сите интересни состојки во неа. Многу е згодна за прилагодување, употребете тоа што имате, наместо јачмен – просо, бунгур, кус-кус…, наместо тиква – цвекло или моркови, наместо ф’стаци – бадеми, лешници, ореви, семки од тиква или сончоглед… тука добро би дошле и брокула или зелена салата.
- 1 шоља јачмен;
- ½ средна тиква, излупена и исечена на коцки колку залак;
- 1 авокадо, излупено и исечено на парчиња;
- Шака непечени ф’стаци;
- Зрна од ½ калинка.
- 1 – 2 чешниња лукче, излупени и грубо исецкани;
- Маслиново масло;
- ¼ солен марокански лимон, крупно исецкан (или сок од ½ лимон + малку сол);
- Многу свеж магдонос.
Наредете ги парчињата тиква во тавче во еден слој, ставете им малку сол и малку маслиново масло и печете ги во загреана рерна на 200°C околу 20 минути, или додека не омекнат. Јачменот ставете го во тенџере со вода и варете го околу 20 минути, или додека не омекне. исцедете го и ставете го во сад за салата.
Состојките за преливот изблендирајте ги, па со нив прелијте го сварениот јачмен и промешајте. Врз јачменот ставете ги парчињата печена тиква, авокадото, ф’стаците и калинката и послужете ја салатата.
* рецептите со во целост превземени од ситно сецкано
Споделете со пријателите!
