insekti-sto-se-jadat
Споделете со пријателите!

Како што глобалната популација е во постојан пораст, така се зголемуваат и потребите за протеини, за коишто експертите се сомневаат дека ќе бидат задоволени од страна на месната индустрија
Во иднина најверојатно наместо да ги бркаме инсектите од нашата трпезариска маса згрозени од нив, со задоволство ќе ги покануваме на нашата чинија. 

Универзитетот во Аделаида – The University of Adelaide ги понуди инсектите како основен извор на храна за населението од сиромашните области. „Постои зголемен интерес за јадење на инсекти кај нациите ширум светот, охрабрени да ги земат предвид прехранбените инсекти, како земјоделска индустрија која е во развој“ вели Кери Вилкинсон – Kerry Wilkinson, вонреден професор. Како и да е, универзитетот исто така гледа на можноста оброците од бубачки да бидат сервирани локално и во Австралија.

Во моментов се истражуваат лебарките, црвите и штурците како можни извори на протеини во исхраната. Инсектите претставуваат алтернативен извор за производство на брашно. Научниците велат дека високопротеински брашна, исто така може да бидат произведувани токму од прехранбените инсекти.

Нутритивната вредност на инсектите се состои од: протеини, моно и полинезаситени масти, растителни влакна, витамини, минерали и јаглехидрати.

„Истражувањата можат да придонесат Австралија да стане лидер во производството на прехранбени инсекти за потенцијалниот пазар и да го засити глобалниот глад“

Инсектите се евтини и лесни за одгледување, а исто така брзо се размножуваат. Одгледувањето прехранбени инсекти може да прерасне во посебна земјоделска гранка. „И покрај тоа што домашниот пазар потполно ги одбива прехранбените инсекти, многу е возможно другите земји ширум светот да се заинтересираат за Австралија, како извор на овие инсекти што се јадат“ – додава професорката. Научниците сметаат дека нивните истражувања можат да придонесат Австралија да стане лидер во производството на прехранбени инсекти за потенцијалниот пазар, т.е. за светската популација и да го засити глобалниот глад.

Професор Вилкинсон дообјаснува дека овие истражувања треба да продолжат и да се охрабрат останатите земји со оваа идеја.

„До ден денес, имало малку обиди да се оцени перцепцијата на потрошувачите и ставот во поглед на консумација на прехранбени инсекти. За да се поддржи оваа земјоделска гранка која е во развој, неопходни се истражувања за да се пронајдат начини за преминување на препреките за јадење на инсекти во Австралија и за подобрување на прифаќањето од страна на потрошувачите и тоа како на прехранбените инсекти, така и на производите што содржат состојки на база на инсекти“ – истакнува професор Кери.

Прочитајте:  Успешно помина и вториот
Health, Fitness & Wellness Expo!

Споделете со пријателите!