idninata-na-hranata_image
Споделете со пријателите!

Алги, ин витро месо и инсекти, се храната на иднината
Сте се запрашале ли како би изгледала храната во иднина? Или пак која храна што ни е достапна денес, ќе биде храна која најмногу ќе се јаде? Иднината на храната изгледа отприлика вака: на менито главни ќе бидат алгите, месото од лабораторија ќе го замени месото од животни а едни од главните состојки за сосови ќе бидат инсектите.

Бројот на гладни во светот секојдневно се зголемува, но од FAO – Food and Agriculture Organization of the United Nations тврдат дела храна има за секого, но немаат сите пристап. Климатските промени го отежнуваат одгледувањето на храна и голем дел од светот се соочува со недостаток од вода, па така, технолозите се исправени пред голем предизвик да најдат нови начини на производство. Затоа е потребен нов пристап. Новиот поглед врз начинот на исхрана ги опфаќа следниве видови храна:

Вештачко месо

До 2050 година, се предвидува дека ќе биде потребно 460 милиони тони месо годишно за сите да се прехранат, што е повеќе од двојно во споредба со денес.

„Една од најголемите предности на производството на вештачко месо, е што нема да се убиваат животни“

Затоа, научниците сметаат дека е од голема важност да се најде замена за месото. Првиот вештачки хамбургер веќе се произведе во 2013 година, без вкус, но сепак, тој беше првиот чекор кон новата технологија за производство на вештачко месо. Одгледување на месо што не е од животно изгледа некако вака: научникот зема матични клетки од животно и го чува во хранлив раствор кој ги храни клетките. Со помош на кислород, клетките растат и се размножуваат.

Прочитајте:  Не правете грешки кога појадокот е во прашање

И доколку се пронајде успешен начин за одгледување, сепак остануваат уште бројни прашања кои треба да се решат. На пример, потребно е тоа месо да има одредена форма, да речеме шницла, а не да биде безлично парче. Досегашните експерименти се направени само со мелено месо. Понатаму, проблем би претставувало неговата цена како и масовното производство. Најголемата предност е секако тоа што нема да се убиваат животни.

Алги

„Алгите се прогласени за храна на иднината, особено спирулината бидејќи е лесно сварлива, многу хранлива и не и`потребна голема количина на вода“

Алгите, особено спирулината, се прогласени за храна на иднината. Причините за светскиот глад се многу, а еден од клучните е водата. Човекот троши повеќе отколку што му е потребно, додека на човековите извори на храна, животните и растенијата, потребно им е голема количина на храна. Од друга страна, на алгите не им е потребна питка вода, бидејќи може да се одгледуваат и во солена вода или пак со многу малку вода. Спирулината е лесно сварлива, многу хранлива и не и`потребно многу вода. Спротивно на нивната голема хранлива вредност е нивниот вкус, кој објаснува зошто оваа храна не се консумира низ цел свет, туку само во одредени делови.

Инсекти

idninata-na-hranata_image2Инсектите имаат многу протеини и не се штетни за околината, така што имаат бројни предности за да бидат дел од менито на иднината. Научните претпоставуваат дека тие ќе се консумираат во вид на сендвичи и на начин како што ги додаваме секојдневните состојки во сос, да речеме.

 

Дел од храната која што се претпоставува дека ќе се консумира во иднина е и веганското сирење како и ферментираното кафе.


Споделете со пријателите!