Хроничен синдром на умор или друга е причината за константната летаргија која ја чувствувате
Повеќето од нас кога сме уморни, настојуваме да претпоставиме дека тоа се случува затоа што работиме напорно или не спиеме, итн. Лесно е да се пропушти моментот дека всушност се справуваме со замор кој можеби трае хронично или замор кој се должи на некоја посериозна состојба. Заради начинот на живот кој го живееме обично имаме некакво „објаснување“ за ова чувство. Понекогаш настанува толку постепено што забораваме дека некогаш постоело време кога не сме се чувствувале толку уморни и претпоставуваме дека е нормално.
Во реалноста, многу луѓе се справуваат со константната летаргија, и таа не е симптом кој што треба да се игнорира. Причините може да се прилично сериозни и затоа е особено битно да сме свесни за неговото постоење.
Неколку потенцијални и чести причини за појава на замор и како можете да се справите со нив:
Постојат повеќе причини кои предизвикуваат замор како главен симптом, иако синдромот на хроничен замор е различна состојба бидејќи се должи на хроничен стрес. Сепак едноставно идентификување дека имате еден од овие состојби може да биде од голема помош за разбирање и справување со вашиот замор.
Интолеранција на храна
Интолеранцијата на храна е малку поинаква од алергијата на храна и е предизвикана кога организмот има проблем со варење на одредени прехранбени производи – често лактоза, глутен или пченица. Додека симптомите на алергија на храна се карактеризираат со акутен имунолошки одговор, интолеранцијата на храна има тенденција да предизвика постепена летаргија и гадење, кои често може да остане недијагностицирано (или погрешно дијагностицирани како хтоничен замор). Доколку константно се борите со постојан замор, тогаш можеби вреди да се обидете да направите елиминациона диета со која би го ограничиле внесот на леб и млечни производи за да видите дали тоа прави каква било промена на нивото на енергија. Еден од начините со кои би можеле да утврдите дали имате интолеранција е да направите тестирање за интолеранција на храна или тест за толеранција на лактоза.
Депресија
Уморност и недостаток на ентузијазам се два од најчестите симптоми поврзани со депресија поради хемиските промени што може да настанат во мозокот. Депресијата е нешто што може да ни се прикраде незабележано, па ако се најдете себе си дека мислите дека се е безнадежно или пиете, тогаш можеби ќе сакате да размислите за консултација со психтерапевт за решавање на проблемот.
Дијабетес
Дијабетесот е предизвикан или од недостаток на инсулин во телото, или кога постоечкиот инсулин е неефикасен. Ова значи дека завршуваме со гликоза во крвта која не можеме да ја искористиме, што предизвикува замор како еден од главните симптоми. Доколку станува збор за дијабетес, тогаш се разбира дека ќе има и други симптоми кои вклучуваат прекумерно мокрење, жед, трнење на екстремитетите и заматен вид. Дијабетесот може да биде опасен ако не се лекува, па затоа е важно да се направи проверка за нивото на шеќер во крвта.
Хипогликемија
Обратна состојба на хипергликемија, пациентот едноставно нема доволно гликоза во крвта, што исто така може да предизвика замор. Хроничната хипогликемија може да се појави како компликација на третманот за дијабетес (кога пациентот користи премногу инсулин и или во исто време го ограничува внесот на јаглени хидрати), исто така може да настане заради генетски фактори.
Анемија
Анемијата е состојба која настапува заради недостаток на железо во крвта. Ова доведува до ниски нивоа на енергија, бидејќи таа значи дека не можеме да го транспортираме кислородот лесно во крвта (железо се користи за да се формираат црвените крвни клетки кои носат кислород). Ова може да доведе до чувство на ниско ниво на енергија, па дури и да имаме чувство дека остануваме без здив. Ако константно чувствувате замор и забележете дека имате побледа кожа од вообичаено – особено кај жените во менструалниот период – тогаш ова може да укаже на анемија (иако анемијата исто така може да биде предизвикана од генетски фактори). Ова нормално може да се третира релативно лесно со користење на дополнување на причината која довела до анемија.
Лекови
Лековите често може да предизвикаат замор и летаргија како симптом и важно е да се консултирате со вашиот доктор, доколку земате некои лекови и притоа се справувате со чувство на замор тоа станува проблем. На пример, ГАБА кој е пропишан за лекување на депресија во некои случаи, исто така, може да го зголеми производството на мелатонин што значи дека ќе се чувствувате мирно, но и многу уморен.
Апнеа при спиење
Апнеа при спиење е состојба во која пациентот се буди неколку пати во текот на ноќта, бидејќи додека спие има периоди во кои престанува нормално дишење. Ова води до неколкукратно будење во текот на ноќта, при што пациентот е ненаспан. Апнеата може да се појави поради неколку причини – при „централна“ апнеа проблемот е поврзан со мозокот на пациентот и не може лесно да се лекува, додека кај „опструктивна“ апнеа, проблемот со спиењето е резултат на блокада која може да биде предизвикана од обликот на черепот на пациентот, стеснување на дишните патишта. При апнеа хроничниот замор се јавува како резултат на хроничен недостаток на спиење.
