shto-treba-da-znaete-za-odmorot-od-rabota-depresijata_image
Споделете со пријателите!

Студија во којашто се следеле 12.338 мажи во период од девет години открива дека мажите кои не земале годишни одмори имале за 32 отсто поголем ризик од смрт од срцев удар.

Научните истражувања за одморот и депресијата

Се смета дека одморот од работа влијае позитивно на физичкото и менталното здравје. Различни истражувања ја покажуваат поврзаноста помеѓу одморот, депресијата и срцевите заболувања. Меѓу нив се три чиишто наоди ги дознаваат следниве факти:

  • Студија од 2005 година открива дека жените кои не земаат редовни одмори имале два до три пати поголеми шанси да бидат депресивни отколку жените кои редовно земаат одмор од работа;
  • Студија во којашто се следеле 12.338 мажи во период од девет години открива дека мажите кои не земале годишни одмори имале за 32 отсто поголем ризик од смрт од срцев удар и 21 отсто поголем ризик од смрт од било која причина;
  • Студија ги анализирала анкетите спроведени од жени коишто учествувале во 20-годишната Фрамингхамска студија спроведена во САД. Истражувачите откриле 8 пати поголем ризик од срцев удар и смрт кај жените кои ретко земале одмор (на секои шест години или помалку) – во споредба со жените кои земале барем еден одмор на секои две до пет години.

„Одморите не се тривијални. Во ова динамично време треба да ги третираме како скапоцени нешта. Треба да ги одржиме добрите и релаксирачки чувства“, вели д-р Френк Фарли, клинички психолог, професор на „Temple University“ во Филаделфија и поранешен претседател на „American Psychological Association“.

Зошто одморите се добри за справување со депресијата

Психолозите објаснуваат зошто одморот од работа носи позитивно влијание на физичкото и менталното здравје и зошто е добар за справувањето со депресија.

Одморите ни даваат можност да ги надополниме нашите батерии, да го смениме темпото и да го подобриме нашиот став. Тие, исто така, ни нудат чувство на контрола врз нашите животи, објаснува д-р Хауард Тинсли, доцен професор по психологија при „Southern Illinois University“. Тој ги проучувал придобивките од слободното време и одморот од работа уште од 1970-тите.

Прочитајте:  Видео игра која ги вежба очите да работат подобро заедно

„Одморите ни помагаат да го вратиме чувството за спонтаност и самоизразување. Тие ни дозволуваат да ги контролираме работите што ни годат во моментот кога ги правиме. Кога сме на одмор, постои поттик во двата мозочни невротрансмитери, допаминот и серотонинот, кои влијаат на расположението и депресијата“, вели Баерд Брајтман, доктор на науки, психолог од Масачусетс и организациски консултант.

„Мажите кои не земале годишен одмор имаат 32 отсто поголем ризик од смрт од срцев удар!“

Брајтман вели дека луѓето кои се депресивни имаат ниски нивоа на овие невротрансмитери, а работната средина може негативно да влијае и дополнително да ја влоши ситуацијата. Психолозите тоа го нарекуваат психолошки стрес којшто се јавува на работното место и е предизвикан од висок обем на работа и ниска контрола.

„Некои интересни истражувања покажуваат дека животните што се на пониско ниво во хиерархијата на моќ имаат пониски нивоа на овие невротрансмитери. Затоа депресивното расположение се намалува кога имаме чувство на контрола. Кога одите на одмор нивото на невротрансмитерите се зголемуваат и зајакнуваат и тоа влијае позитивно на вашето ментално здравје“, вели Брајтман.

Дали депресијата може да се јави по одморот

За многумина одморот од работа е како патување во вселената. Што се случува по деновите на одмор исполнети со убави чувства? Следи враќањето во реалноста и старата рутина може да се чувствува како сила на гравитација по денови на бестежинска состојба – товар што одеднаш се чини тежок за носење.

Сепак ова чувство е минливо и потребно е малку за да се вратите со полна пареа на работното место. Она што треба да го направите е добро да се наспиете, да се подготвите за соодветно враќање на работното место и извршување на работните обврски.


Споделете со пријателите!