Околу 15,3 отсто од жените и 10,1 отсто од мажите редовно се чувствуваат многу уморни или исцрпени.
Секому се случило барем еднаш да се запраша „Зошто сум толку уморен/уморна постојано?“ Истражувања спроведени од Центрите за контрола и превенција на болести (CDC) на територијата на САД покажуваат дека околу 15,3 отсто од жените и 10,1 отсто од мажите редовно се чувствуваат многу уморни или исцрпени. Оваа исцрпеност и уморност може да предизвика низа проблеми; околу 1 од 25 возрасни возачи во САД пријавуваат заспивање зад тркалото секој месец. Секоја година околу 72.000 несреќи и 44.000 повреди во сообраќајот се резултат на поспано возење, а околу 6.000 фатални несреќи се предизвикани од поспани возачи.
Сите се чувствуваме уморни во одредени моменти, без разлика дали таа исцрпеност се должи на седењето будни до доцна навечер или на дополнителна работа. Но што се случува доколку исцрпеноста трае подолг период? Многупати не сме свесни за заморот што го чувствуваме и оттаму не можеме да ја утврдиме и причината заради која се појавува.
Кои се честите причини поради кои би можеле постојано да се чувствувате исцрпено и уморно?
Недостаток на сон
Недостатокот на добар и квалитетен сон може да изгледа како очигледна причина да се чувствувате уморни, а сепак, честопати не сте свесни за тоа и не спиете доволно. Од Американската академија за медицина на спиењето и Друштвото за истражување на спиењето препорачуваат луѓето на возраст меѓу 18 и 60 години да спијат 7 или повеќе часа секој ден.
Недоволниот сон не е поврзан само со заморот, намалена ефикасност и поголемиот ризик од несреќи, туку и со нарушување на здравјето. Некои проблеми со здравјето што може да се појават како резултат на лошиот сон се зголемена телесна тежина, висок крвен притисок, депресија, срцеви заболувања, мозочен удар и зголемен ризик од смрт.
Слаба исхрана
Една причина поради која би можеле да се чувствувате постојано уморни може да биде начинот на којшто се храните. Јадењето здрава и урамнотежена исхрана несомнено влијае на енергијата што ја имате преку целиот ден.
За да го подобрите вашето здравје и да ги добиете сите хранливи материи кои ви се потребни и кои ќе ви помогнат да се чувствувате енергично треба да одберете здрава мешавина на храна од петте главни групи: овошје, зеленчук, зрна, протеини и млечни производи. Исто така, треба да ги избегнувате храната и пијалоците што содржат големо количество шеќер, да јадете во редовни интервали и да пиете доволно вода.
Пасивен начин на живот
Кога се чувствувате уморно од работниот ден, релаксирањето и ви изгледаат како единственото решение што ќе ви помогне да одморите. Но, напротив, движењето или вежбањето може да биде најдоброто нешто што можете да го направите за да ја вратите енергијата и да се чувствувате убаво.
Истражувања спроведени на „UGA“ во Атина откриваат дека една вежба со умерен интензитет која трае најмалку 20 минути, во споредба со пасивното седење, би можела да помогне за зголемувањето на енергијата.
Одделот за здравство и социјални услуги на САД објави упатства за физички активности што укажуваат на тоа дека на сите возрасни треба да практикуваат физичка актовност со умерен интензитет околу 2 часа и 30 минути неделно, како и активности за зајакнување на мускулите од сите главни мускулни групи два или повеќе денови неделно.
Голем стрес
Стресот може да биде предизвикан од различни причини поврзани со работата, семејството, љубовната врска и сл. Понекогаш стресот може да биде здрав бидејќи, всушност, може да нѐ поттикне да бидеме подобри во ситуации како што се интервјуа за работа или јавно зборување, но, сепак, стресот може да биде позитивен само ако е краткотраен. Прекумерниот и продолжен стрес може да предизвика физичка и емоционална исцрпеност и да влијае негативно на здравјето.
Доколку притисоците со кои се соочувате ви предизвикуваат голем стрес кој ве уморува и ви создава главоболки, мигрена или напнатост во мускулите, земете здив и обидете се да го намалите.
Здравствени проблеми
Доколку сте ги направиле сите претходноспоменати промени, како практикување на физичка активност, здрава исхрана, намалување на нивото на стрес и подобрување на сонот, а сепак се чувствувате уморно и исцрпено, треба да проверите дали одредена здравствена состојба ви предизвикува постојан замор..
Некои здравствени проблеми што го вклучуваат заморот како клучен симптом се:
- Анемија;
- Намалена функција на тироидната жлезда;
- Дијабетес;
- Анксиозност;
- Депресија;
- Синдром на хроничен замор;
- Инфекција на уринарниот тракт;
- Нетолеранција на храна;
- Срцева болест;
- Бременост;
- Недостаток на витамини и минерали.
Ако сте загрижени дека се соочувате со некоја од овие состојби која предизвикува да се чувствувате уморни, посетете го вашиот лекар.
