pomosh-na-bakteriski-enzimi-otkrien-nov-nachin-za-zgolemuvanje-na-o-krvna-grupa_image
Споделете со пријателите!

Дали примателите на крв ќе можат да земат крв од некомпатибилна крвна група?
Секој ден, болниците ширум светот трошат огромни количества крв за итни операции, планирани операции, како и рутински трансфузии. Но примателите не можат да земат било каква крв. За трансфузијата да биде успешна, пациентот и донорните крвни типови мора да бидат компатибилни. Сега, истражувачите кои ги анализираат бактериите во човековото тело откриле микрооганизми кои произведуваат два ензими кои можат да го претворат крв од тип А во универзално прифатен тип. Доколку ова се оствари, трансфузиолозите сугерираат дека оваа постапка може да ја револуционизира донацијата и трансфузијата на крв.

Ова е новитет, и ако овие податоци можат успешно да се реплицираат, тоа несомнено ќе биде голем напредок, вели Харви Клајн, експерт за трансфузија на крв во Националниот Клинички Центар во Бетесда, Мериленд.

Научниците се обиделе да ја трансформираат втората најчеста крв, типот А, со отстранување на своите А-дефинирани антигени. Но тие се сретнаа само со ограничен успех, бидејќи познатите ензими не се доволно ефикасни да го отстранат антигенот од еритроцитот, односно црвената крвна клетка.

Луѓето обично имаат еден од четирите крвни групи А, Б, АБ или О, дефинирани со необични молекули на шеќер на површините на нивните еритроцити. Тип А има антигени А, а тип Б има антигени Б. Единките со крвна група А го имаат само А антигенот на мембраната на еритроцитите. Нивниот крвен серум содржи IgM антитела кои дејствуваат (т.е. се борат) против В антигенот. Единките со крвна група В го поседуваат В антигенот на мембраната на нивните еритроцити. Нивниот крвен серум содржи IgM антитела против А антигенот. Единките со крвна група AB ги поседуваат и двата антигена (А и В) на мембраната на нивните еритроцити, и нивниот крвен серум не содржи антитела кои би се бореле против А или В антигенот. Клетките од тип О пак, ги немаат овие антигени, со што таа крвна група претставува универзален донор! Токму поради тоа може да биде дадена секому!

Со оглед на секојдневниот живот, како и трауматските повреди, крвта е постојан дефицит! За да има доволно од универзалниот донор, научниците смислиле начин да ја трансформираат втората најчеста крвна група А, отстранувајќи ги А-дефинирачките антигени.

Тимот предводен од Стивен Витерс, хемиски биолог на Универзитетот на Британска Колумбија во Ванкувер, Канада, одлучува да бара подобро решение. Некои од микробите што се наоѓаат во цревата се прикрепуваат за цревниот ѕид, кадешто го дигестираат шеќерот-протеин наречен муцин. Муцините по своја структура се многу слични на антигените на црвените крвни клетки. Се наметнува прашањето, ако тие можат да го дигестираат муцинот како најсличен на антигенот на површината на еритроцитите, тие ќе допринесат антигените на еритроцитите да исчезнат, со тоа тие ќе можат да станат потенцијална О крвна група која што не содржи антигени на своја површина!

Прочитајте:  Придобивките од растителните влакна од багремот

Д-р Питер Рахфелд собрал примерок од човечка столица изолирајќи ја ДНА, којашто теоретски вклучува гени што ги кодираат бактериските ензими кои дигестираат муцини. Сечејќи ја оваа ДНА и правејќи различни копии употребувајќи ја бактеријата Еscherichia Coli, научниците мониторирале дали некој од микробите потоа ќе произведат протеини со способност да отстранат А-дефинирачки шеќери.

Најпрво, тие не увиделе ништо ветувачко. Тие ги тестираа два од добиените ензими истовремено, додавајќи ги нив во супстанци што ќе можат да светат ако шеќерите бидат остранети од нив. Резултатот од овој експеримент бил позитивен. Ензимите го направиле тоа и со еритроцитите.

Ензимите првично доаѓаат од цревната бактерија наречена Flavonifractor plautii. Мали количини ензими додадени во тип А крв допринесоа еритроцитите да се ослободат од вишокот шеќери. Пронајдоците беа сосема ветувачки бидејќи пр. во САД крвната група тип А е речиси една третина од целосната количина на донори, правејќи ја речиси универзален донор доколку овие финеси бидат надминати.

Наодите се многу ветувачки со поглед на нивната практична корист!

Но, потребна е поголема работа за да се отстранат сите антигени. Засега, истражувачите се фокусираат само на конвертирање на типот А, бидејќи е почест од типот Б. Имајќи ја способноста да го трансформира типот А во типот О, Витерс вели дека со тоа ќе може да се прошири снабдувањето со крв, а со тоа ќе се олеснат сите досегашни недостатоци!


Споделете со пријателите!