Rh сензибилизација за време на бременоста – што се случува?
Типот на крвната група ни дава информација за маркерите на површината на црвените крвни зрнца. Црвените крвни зрнца можат да бидат А, Б, АБ или 0. Црвените крвни зрнца се одликуваат со протеин кој се вика РХ. Вашата крв може да биде РХ позитив што значи дека имате РХ протеин, или РХ негатив, што значи дека немате. Буквата од крвната група + РХ факторот = вашата крвна група. Во болницата каде треба да родите, при првата пренатална посета се прави тест со кој треба да се утврди вашата крвна група. Доколку и вие и вашиот партнер сте со рх негативен фактор тогаш нема причина за грижа, бебето http://pharmanews.mk/grchevi-kaj-bebeto/ ќе биде рх-, но доколку двајцата партнери се со различен рх фактор бебето ќе е или позитивно или негативно. Доколку мајката и бебето се со различен рх фактор тогаш постојат потенцијални опасности за плодот, за кои медицината има решение.
Зошто е важна крвната група?
Ако некогаш ви треба трансфузија на крв, вам треба да ви дадат крв од иста крвна група. Ризично е да примате крв од друга крвна група, освен ако не е 0. Луѓето со 0+ се универзални крводарители.
Дали Rh факторот може да предизвикува проблеми за време на бременоста?
РХ факторот може да предизвика проблеми ако мајката е негативна и а бебето е Rh позитивно. Ова се нарекува РХ инкомпатибилност. Овие проблеми обично не се појавуваат во првата бременост, но можат да се појават во подоцнежна бременост.
Што се случува ако постои Rh инкомпатибилност за време на бременоста?
Кога крвта на РХ-негативната мајка доаѓа во контакт со крв од нејзиниот РХ-позитивен фетус, тоа води до настанување на антитела од страна на РХ-негативната мајка против РХфакторот. Овие антитела го напаѓаат Rh факторот како да е штетна супстанција. Лицето со РХ-негативна крв кое прави РХ антитела се нарекува “Рх сензибилизиран”.
Што ако настапи Rh сензитизација за време на бременоста?
За време на бременоста, мајката и фетусот имаат различна циркулација. Сепак, мала количина на крв од фетусот може да ја премине плацентата и да стигне до циркулацијата на мајката. Ова понекогаш може да се случи за време на бременоста, http://pharmanews.mk/rizici-od-namaleno-nivo-na-zhelezo-vo-tek-na-bremenost/ трудовите и раѓањето. Најголема веројатност постои да бидете изложени на крвта на вашето бебе кога го раѓате. Токму затоа РХ негативноста нема да му штети на детето во првата бременост. Но, во наредната бременост антителата кои се создале при првата бременост може да ја преминат плацентата и да ги нападнат РХ позитивните црвени крвни зрнца, ако вашето наредно дете има РХ позитив.
Ова се вика РХ сензитизација. РХ сензитизацијата може да предизвика анемија кај фетусот, спонтан абортус, раѓање на мртвороденче, или сериозна болест која се вика хемолитична болест кај новороденчето. РХ сензитизацијата е многу ретка затоа што жените кои се РХ негатив примаат инјекции кои го сопираат телото да произведува антитела за РХ позитивната крв.
РХ сензитизација може да се појави кај Rh-негативна мајка и во следните случаи:
- Амниоцентеза;
- Примероци на хорионски вили (CVS);
- Крварење за време на бременоста
- Рачно ротирање на бебето
- Тапа траума на стомакот за време на бременоста
Дали проблемите обично се појавуваат за време на бременоста која предизвикува Rh сензибилизација?
За време на првата бременост на Rh-негативна жена со Rh-позитивен фетус, сериозни проблеми обично не се случуваат затоа што бебето често се раѓа пред телото на мајката да развие многу антитела. Ако превентивниот третман не е даден за време на првата бременост и жената подоцна забремени со Rh-позитивен фетус, бебето од таа бременост е изложено на ризик од Rh болест.
Можам ли да развијам антитела ако моето раѓање не се одвива на одредениот термин?
Кај мајката може да се развијат антитела после спонтан абортус, ектопична бременост или индуциран абортус. Ако една Rh-негативна жена остане бремена по еден од овие настани, и при тоа таа не добила третман, а фетусот е Rh позитивен, фетусот може да биде изложен на ризик од проблеми поврзани со Rh.
Како можам да дознаам дали сум Rh сензибилизирана?
Тестот за крв, наречен КОМБС, може да покаже дали имате развиени антитела за Rh-позитивна крв и колкава е количината на антитела кои се направени. Ако сте Rh негативни и постои можност да вашето бебе е Rh позитивно, вашиот лекар може да побара овој тест да го направите за време на прв триместар и повторно во текот на 28 недела од бременоста.
Што е Рхо-имуноглобулин?
Рхо-имуноглобулин е лек кој го спречува образувањето на антитела што ги напаѓаат РХ позитивните крвни клетки. Рхо-имуноглобулин е стерилизирано решение направено од човечка крв што содржи мала количина РХ позитивни протеини. Овие протеини го штитат имуниот систем од правење постојани антитела за РХ позитивната крв. Тие нема да го повредат вашето бебе. Рхо-гам се дава преку инјекција.
Кога треба да примите Рхо-гам?
Рхо-имуноглобулин се дава во 28мата недела од бременоста, со цел да се заштити плодот во остатокот од бременоста. Причината заради која Рхо-имуноглобулинот се дава во овој период е бидејќи плацентата расте интензивно и мембраните кои го оддвојуваат крвотокот на бебето од крвотокот на мајката се многу тенки. Рхо-имуноглобулин има дејство 13 недели.
Набргу по раѓањето, вашето бебе ќе биде тестирано за РХ. Ако тоа има РХ позитивна група, вие ќе добиете уште една доза Рхо-имуноглобулин 72 часа после раѓањето. Ако вашето дете има РХ негативна крвна група, вам нема да ви треба уште една доза Рхо-гам.
Кои се други причини заради кои мајката треба да прими Рхо-гам?
Рхо-гам треба да се прима секогаш кога постои можност крвта на мајката да стапи во контакт со РХ позитивни крвни клетки како на пример:
- Вагинално крварење за време на бременост;
- Спонтан абортус;
- Повреда на абдоменот за време на бременост.
Дали Рхо-имуноглобулин е безбедно решение?
Рхо-гам се препорачува за сите бремени жени со РХ негативна група. Многу се мали шансите да добиете алергиска реакција од Рхо-имуноглобулин. Важно е да знаете дека ризикот од РХ сензитизација е многу повисок од ризикот од проблеми при инјектирање Рхо-гам. Ако тоа се случи, сите наредни бремености се ризик ако бебето е РХ позитивно.
Што ако одлучите да не примите Рхо-имуноглобулин?
Една од 5 жени кои не примале Рхо-имуноглобулин веројатно ќе добие РХ сензитизација која нема да може да се поправи ако веќе се случи. Ако не примате Рхо-имуноглобулин за време на бременоста, треба да си ја проверувате крвта често во последното тримесечје за да видите дали имате предизвикано РХ сензитизација. Доколку одговорот е позитивен треба да се следи состојбата на плодот. Ако тестовите покажат дека бебето има тешка анемија, може да биде потребно раѓањето да се индуцира порано (пред 37 недели од бременоста) или да му се направи трансфузија на крв додека е во матката (преку папочната врвца). Ако анемијата е блага, бебето може да се доноси до терминот за раѓање.
