test-na-tastatura-za-dijagnosticiranje-na-parkinsonova-bolest
Споделете со пријателите!

Како и повеќето работи во животот „Сè е во тајмингот“
Можете ли да се присетите кога последен пат не сте притиснале ниедно копче, на ниедна тастатура на никаков апарат, цел ден?! Најверојатно не. Без разлика дали тоа е на тастатура од компјутер, паметен телефон па дури и читачите за кредитни картички, сите ние секојдневно трошиме дел од времето во пишување и притискање на тастатура. Истражувачкиот тим од МИТ ја забележале вредноста на оваа секојдневна навика и нашле секундарна употреба така што развиле софтвер кој може да ја измери брзината со која пишуваме на компјутер и да помогне при рано дијагностицирање на Паркинсоновата болест.

Со цел да напишете збор, вашиот мозок испраќа сигнали надолу преку ‘рбетниот столб до нервите кои ги контролираат вашите прсти. Ако вашиот централен нервен систем функционира совршено, тогаш вие сте способни да ги притискате копчињата на тастатурата со рамномерна брзина. Но, голем број на ситуации би можеле да го забават сигналот од мозокот до прстите, како што е недостаток на сон (кој го забавува сите моторни вештини) и болести кои влијаат на централниот нервен систем, вклучувајќи ја и Паркинсоновата болест.

Во првата верзија на оваа студија, тимот од МИТ ги истражувале шемите кои покажуваат дали едно лице е неспано или добро одморено. Со помош на креираниот додаток – plug-in за стандарден веб прелистувач чија намена е мерење на времето кое е потребно корисникот да притисне одредено копче на тастатурата, откриле дека луѓето кои беа поспани имале многу поголема варијација во брзината со која тие пишувале. Истото истражување го примениле во прелиминарниот тест со пациенти кои боледуваат од Паркинсонова болест и откриле слични резултати. Испитаниците со Паркинсонова болест ги притискале копчиња со многу променлива стапки, за разлика од здравите волонтери.

Прочитајте:  Техника за рано откривање на Алцхајмер

Развиениот алгоритам и не е доволно рафиниран за да се направи разлика помеѓу пациенти со Паркинсонова болест и со луѓе кои не се наспани. Истражувачите планираат да спроведат студија со поголема група на испитаници и се надеваат дека овој тест на крајот може да доведе до рана дијагноза на Паркинсонова болест. Во денешно време на повеќето луѓе кои страдаат од Паркинсонова болест, истата им била дијагностицирана по 5-10 години, иако тие во меѓувреме покажувале симптоми. Проблемот при дијагноза на Паркинсоновата болест е тоа што симптомите на болеста се многу слични со симптоми од други ситуации кои би можеле да влијаат на моторните способности на лицето, како што е и ревматоидниот артритис. Тимот од МИТ во моментов развива апликација за паметени телефони, со чија помош тестирањето на луѓето ќе биде дополнително олеснето.


Споделете со пријателите!