dali-e-mozhno-na-priroden-nachin-da-gi-imitirame-efektite-shto-gi-davaat-anabolicite_image
Споделете со пријателите!

Додавање на ензими и пробиотици во исхраната при вежбање секако ќе има моќен анаболен ефект кој секако е многу по безопасен од стероидниот ефект.
Доколку во секојдневниот живот одредено време поминувате во теретана и кревате тежини, тогаш секако дека сакате да постигнете некаков резултат. Поради оваа причина, сигурно ќе ве интересира колку е важно да обрнете внимание на она што се случува во нашето тело. Секој кој има барем некакво искуство во тренинг салата, чул или знае нешто за анаболизмот. Едноставно кажано, анаболизмот се однесува на процеси во кои супстанциите од прости се претвораат во посложени и притоа стануваат градбени елементи на коски или мускулно ткиво. Кога ќе посегнете по тежините, обезбедете доволно стимулација за мускулите, па спојте го ова со квалитетна храна и одмор, а со тоа вие му овозможувате на анаболизмот да ве подмлади! Од друга страна се наоѓа катаболизмот.

Спротивно на анаболизмот: наместо синтеза,ткивото постојно се распаѓа, најчесто тоа се случува за енергетски цели. Катаболизмот е честа појава кој се случува кога некој се изложува на премногу ригорозна или лошо дизајнирана исхрана, така што телото не добива доволно енергија од храната.

Не ретка е појавата да некој кој има долгорочно искуство во дигање на тежини (или, за жал, пократко) време да стигне до синтетички анаболни лекови со цел да го максимизира својот физички развој. Иако ова не е здрав пристап и не се препорачува туку така да ги вклучите анаболиците во вашето секојдневие, тие ќе ги стимулираат анаболните процеси во вашето тело, ќе го зголемат нивото на тестостерон во крвта и ќе го забрзаат времето кое е потребно да се синтезираат и искористат протеините. Ако се споредат анаболиците, добар тренинг и висококвалитетната исхрана, сигурно е дека мускулното ткиво ќе биде „побрзо“ изградено. Иако сето ова звучи убаво, анаболиците воопшто не се наивни и со себе носат многу можни опасности. Првото нешто е што тие не се легални, што значи дека не можете само да влезете во аптеката и да побарате ампула тестостерон. Ова дополнително значи дека тие можат да се најдат на црниот пазар, како и со сите други супстанци кои се продаваат на црниот пазар, и во овој случај може да добиете производи со лош квалитет. Сега одкако ги наброивме овие факти логично се поставува прашањето дали е можно, на природен начин, некако да ги имитираме ефектите што анаболиците ги даваат?

За среќа, тоа е можно! Одговорот е: дигестивни ензими.

Што се дигестивните ензими?

Ензимот, всушност, е протеин кој делува како катализатор за многу физички реакции, вклучувајќи ги и оние поврзани со енергијата, закрепнување и градба на ткивата, клетките, органите, па сè до варењето на храната што ја јадеме. За правилно функционирање на телото се потребни неколку различни типови на ензими, бидејќи ниту еден од нив не е универзален не може и не е задолжен за сите процеси во телото. Што се однесува до дигестивните ензими, самото име објаснува: тие се одговорни за варење на храната што ја јадеме, овозможувајќи хранливите материи да влезат во нашиот крвоток. Токму од присуството и активноста на дигестивните ензими зависи и начинот, т.е. колку ќе се користат хранливите материи од храната.

Прочитајте:  проценти од младите на возраст од 12 до 21 година не се во редовна физичка активност

На пример, секој кој вежба е веројатно свесен дека за раст на мускулите треба да се земаат околу 2 г протеини на килограм тежина дневно. Но, што ако вие внесувате доволно протеини, а телото не ги разградува до амино киселини и ги транспортира до мускулните клетки?

Затоа е важно да се обрне внимание на овој фактор, со цел да се зголеми анаболизмот во поголема мера, природно.

Збогатување на вашата исхрана преку дополнување со дигестивни ензими е одличен начин да се влезе во анаболизам и да се предизвика ефикасен раст на мускулите. Би било најдобро ако не претерувате со протеински прашаци, затоа што ако овие ензими фалат, протеините може да останат речиси неискористени. Од друга страна пробиотиците се добро познати во секојдневието на речиси секој од нас и на пазарот постојат многу различни видови корисни бактерии кои се добри за нашиот дигестивен тракт, го помагаат варењето и на тој начин помагаат подобро да се апсорбира храната која ја консумираме особено кога станува збор за високо-протеинската исхрана. Додавање на ензими и пробиотици во исхраната при вежбање секако ќе има моќен анаболен ефект кој секако е многу по безопасен од стероидниот ефект.Подпомагајќи го варењето вие го олеснувате целокупното функционирање на организмот.


Споделете со пријателите!