Бидете подготвени за ниско-јаглехидратна диета со седумдневно мени
Откако во серијалот на текстови за Low-Carb исхрана, преку текстовите за што e ниско-јаглехидратната исхрана и улогата која ја имаат ниско-јаглехидратните намирници за подобро здравје и витка става, во прилог ви даваме и седумдневниот план по кој можете да се придржувате доколку сакате ниско-јаглехидратно мени.
Овој план е пример за еднонеделна исхрана за нискојаглехидратна диета. Таа обезбедува помалку од 50 грама јаглехидрати дневно, но како што веќе напоменавме, доколку сте здрави и активни можте да конзумирате и дополнителни намирници.
- Појадок: Омлет со разновиден зеленчук, пржен на путер или масло од кокос;
- Ручек: Органски јогурт со боровинки и грст бадеми;
- Вечера: Чизбургер (без лепиња), гарниран со зеленчук и салса сос.
- Појадок: Сланина и јајца;
- Ручек: Плескавица и зеленчук доколку ви останале од предходниот ден;
- Вечера: Лосос со путер и зеленчук.
- Појадок: Јајца и зеленчук, пржен на путер или масло од кокос;
- Ручек: Салата со ракчиња и малку маслиново масло;
- Вечера: Пилешко на скара гарнирано со зеленчук.
- Појадок: Омлет со разновиден зеленчук, пржен на путер или масло од кокос;
- Ручек: Смуди со кокосово млеко, овошје, бадеми и протеини во прав;
- Вечера: Бифтек и зеленчук.
- Појадок: Сланина и јајца.
- Ручек: Салата со пилешко и малку маслиново масло.
- Вечера: Кременадли со зеленчук.
- Појадок: Омлет со разновиден зеленчук;
- Ручек: Органски јогурт со шумски плодови, кокосови снегулки и грст ореви;
- Вечера: Ќофтиња гарнирани со зеленчук.
- Појадок: Сланина и јајца;
- Ручек: Смуди со кокосово млеко, малку павлака, протеини во прав со вкус чоколадо и шумски плодови;
- Вечера: Пилешки крилца на скара гарнирани со свеж млад спанаќ.
Вклучете разновиден зеленчук во вашата исхрана. Ако вашата цел е да се останете под 50 грама јаглехидрати дневно, тогаш имате простор за многу зеленчук и по едно парче овошје дневно.
Како што спомнавме и предходно ако крајната цел не е да изгубите телесна тежина, а сте здрави и активни, слободно можете во исхраната да додадете некои клубени како компир и слатки компири исто и некои поздрави житарки како ориз и овес.
Здрави и ниско-јаглехидратни закуски
Нема здравствено оправдување да се конзумира повеќе од 3 оброка на ден, но доколку сте гладни помеѓу оброци тогаш имате и здрави ниско-јаглехидратни и лесни за подготвка закуски кои можат да ве заситат:
- Парче овошје;
- Високо-маслен јогурт;
- Едно до две тврдо варени јајца;
- Млади моркови;
- Храна која ви останала од предходниот ден;
- Грст јаткасти плодови;
- Малку сирење и месо.
Какви намирници да купувате за ниско-јаглехидратна исхрана
Секогаш добро правило е кога пазарите дирекно да одите во делот на продавницата каде се позиционирани овој тип на намирници, за да не паѓате на искушението од чипсот кој ви се насмевнува.
Органските и природни намирници се најдобри доколку може да се најдат во вашите маркети и доколку можете да си ги дозволите. Дури и ако не купувате органски намирници, а се придржувате на оваа диета, вашата исхрана сепак би била многу подобра од стандард „западната“ исхрана.
- Месо (говедско, јагнешко, свинско, пилешко, и др.);
- Риба (масната риба како лосос е секогаш најдобар избор);
- Јајца (одберете јајца кои се збогатени со Омега-3);
- Путер;
- Кокосово масло (доколку има одберете ладно цедено);
- Маст;
- Маслиновото масло (доколку има одберете ладно цедено);
- Сирење;
- Павлака;
- Јогурт (високо-маслен, незасладен);
- Боровинки (можете да се купи и замрзнати);
- Ореви;
- Маслинки;
- Свеж зеленчук: спанаќ, пиперки, кромид, и др;
- Замрзнат зеленчук: брокула, моркови, разни миксови;
- Салса сос;
- Зачини: морска сол, бибер, лук, сенф, итн.
Ви препорачуваме пред да започнете ваков тип на исхрана да го расчистите вашиот шпајз, фрижидерот и кујната од сите намирници кои би ве донеле во искушение: чипс, слатки, сладолед, газирани пијалаци, сокови, леб и житарици како и пченично брашно и шеќер.
