hrana-za-ubavina-i-zdravje
Споделете со пријателите!

Балансирана исхрана и мудро избрани намирници можат да станат вашиот “еликсир на младоста”
Заборавете за скапите третмани и поминатите часови во салоните за убавина. Подмладете се со паметен избор на храна. Тоа е поевтино и поздраво.

Еве листа на “супер-храна” што ќе ја забрза регенерација на клетките, ќе го намали дејството на слободните радикали и ќе ја одржи кожата хидратантна и со младешки сјај.

Шумски плодови: Шумските плодови се едни од најдобрите извори на моќни антиоксиданси во природата. Тие се богати со антицијанин кој ги штити клетките од негативните ефекти на слободните радикали и оксидативниот стрес кој пак се главните причини за стареење. Со редовно консумирање на шумски плодови ја штитиме кожата од стареење, а резултатот е сјаен тен и младешки изглед.

Нешто што содржи омега-3 масни киселини: Сардини, лосос, скуша …  се одличен извор на омега-3 масни киселини и антиоксиданси кои ги смируваат воспаленијата и ги ублажуваат различните проблеми со кожата, дури и релативно сериозните како што е псоријазата, а кожата ја одржуваат хидрирана со што го зајакнуваат клеточениот ѕид. Покрај тоа оваа храна е одличен извор на протеини, неопходни за обновување на клетките на кожата и растот на нови, млади клетки.

Авокадо: Одличен извор на витамин Е, Б витамини, калиум и незаситени масни киселини кои ја хидратираат кожата и ја прават еластична.

Ореви и семки: Намирници богати со витамин Е, антиоксидант кој помага да се опорават оштетувањеата на кожата како резултат од изложеност на чад, загадувањето на воздухот и сонцето. Добар извор на белковини, влакна и есенцијални масни киселини, така што ја хранат кожата и помогаат да ја задржи водата за дополнителна хидратација.

Куркума: Куркумата има највисоко ниво на антиоксиданси и состојки против воспалувања во “категорија на зачини.” Куркумин, активно соединение кое се наоѓа во шафранот ги штити клетките од штетните ефекти на слободните радикали со што го успорува формирање на брчки.

Домати: Богати се со ликопен, моќен антиоксиданс кој буквално ја подмладува кожата спречувајќи ја нејзината дехидрација.

Темно зелен лиснат зеленчук: Богат е со витамини, вклучувајќи ги витамините Е, К и А, како и многу минерали. Витаминот А е од суштинско значење за создавање на нови клетки и ако го внесуваме во доволни количини ја спречува појавата на сува и груба кожа. Витамин К ги зајакнува ѕидовите на крвните садови и помага при намалување на темните подочници. Покрај тоа, антиоксидансите од зелениот лиснат зеленчук го намалува ризикот од болест на окото позната како „макуларна дегенерација“.

Краставица: Одличен извор на силициум, краставицата го спречува задржувањето на водата и ја намалува подуеноста под очите.

Прочитајте:  Неколку работи што треба да ги знаете за чиа семето

Споделете со пријателите!