Пиењето кафе ја намалува цирозата

Научниците од Универзитетот во Саутемптон тврдат дека две шолји кафе дневно можат да ја спречат болеста на црниот дроб предизвикана од пиење премногу алкохол

Поради широката потрошувачка, кафето и неговите ефекти врз здравјето, се проучувани многупати досега. Постојат повеќе факти што треба да ги знаете за кафето. Меѓу најважните се тие дека кафето пиено во големи количини може да биде опасно за здравјето, но редовното пиење кафе во оптимални количини, може да помогне во спречувањето на одредени болести.

Истражувачите откриле дека оние кои пиеле по две шолји секој ден биле изложени на многу помал ризик од појава на цироза на црниот дроб. Цирозата претставува болест на црниот дроб, настаната поради оштетувања на црниот дроб од долготрајната изложеност на токсини како алкохол на пример, или пак, поради хепатит Ц. Оваа здравствена состојба може да биде смртоносна, бидејќи може да доведе до уништување на црниот дроб или до појава на рак. Од цироза на црниот дроб, на светско ниво, умираат милион лица годишно. 

Авторите заклучија, дека консумирањето на две шолји кафе дневно речиси го преполовува ризикот од цироза, односно за дури 44% проценти.

„Ова е голем ефект во споредба со многуте лекови користени за превенција на оваа болест. На пример, статинската терапија, го намалува ризикот од срцев удар за само 25 проценти. Исто така, наспроти разновидните конвенционални синтетички медикаменти, кафето генерално е добро толерирано и има одличен профил на безбедност“ – истакнуваат научниците.
[interaction id=”5731e05e5dc790645b1e3530″]Со оглед на високата стапка на заболувања на црниот дроб, ваквите наоди се важни. Позитивната интеракција помеѓу алкохолот и дебелината се зголемува, како и ризикот од болест на црниот дроб и недостатокот од специфични третмани за превенција на оваа болест поради овие фактори. Извештајот од оваа студија објавена во научниот зборник „Прехранбена фармакологија и терапевтика“ – Alimentary Pharmacology and Therapeutics вели: „Кафето се состои од над илјада соединенија и многу од нив се биолошки активни и можат да влијаат врз здравјето на луѓето“.

Кафето се состои од кофеин, хлорогенска киселина, меланоиди, како и пентациклични дитерпини кавеол и кафестол.

Биолошките ефекти на кафето, вклучуваат стимулација на централниот нервен систем, примарно поради кофеинот, слабеење на оксидативниот стрес, антивоспалителни и антикарциногенозни ефекти. „Студиите спроведувани врз животни, како и набљудувачките студии врз луѓе укажуваат на тоа дека консумирањето кафе ја намалува зачестеноста на абнормалната функција на црниот дроб, фиброзата, цирозата и хепатоцелуларниот карцином.

Кое кафе е најздраво? 

Од здравствена перспектива, едно друго истражување потврди дека пиењето кафе може да помогне во намалувањето на крвниот притисок и намалувањето на мастите во крвта, бидејќи кофеинот го поттикнува топењето на мастите. Она што е клучно да се запомни е дека штетни се не само дозите, туку и комбинациите.

Имено, здравствените придобивки од кафето се однесуваат на чистото кафе, а не на мешавината од процесираното инстант кафе, бел шеќер и млеко или заменските продукти за млеко. Ваквата мешавина може да додаде непотребни калории и масти во вашата исхрана, од што можат да произлезат одредени здравствени проблеми.