prvite-3d-ispecateni-apcinja
Споделете со пријателите!

Овие лекови се доказ дека технологијата за тродимензионално печатење има огромна примена во медицината и постојано позитивно нè изненадува. Американската Агенција за храна и лекови (FDA) го одобри првиот лек произведен со помош на 3Д печатарите
Додека 3Д печатењето веќе на широко се користи во медицината, започнувајќи од печатење на нови коски, вилици и останати делови од лицето за максилофацијалната хирургија, па сè до персонализирано дизајнирани заби и други дентални импланти, како и за производство на органи и персонализирани протези – ова е прв пат оваа технологија да е одобрена за производство на лекови.

Развиен од страна на фармацевтска компанија Aprecia од Охајо, лекот наречен Spiritam (levetiracetam) е новиот лек против епилептични напади произведуван на малку поинаков начин од досегашните лекови. Овој лек е одобрен од страна на Американската Агенција за храна и лекови – FDA на почетокот на август. Овие пилули се произведуваат со помош на заштитената технологија од страна на оваа фирма која се нарекува ZipDose. Оваа технологија по пат на тродимензионално печатење создава порозни (шупливи) пилули.

Оваа структура овозможува апчињата да се растворуваат побрзо кога ќе дојдат во допир со течност, што ги прави полесни за проголтување во споредба со конвенционалните апчиња.

„Технологијата ZipDose® е уникатна платформа за испорака на фирмата Aprecia која функционира како основа за нашите ородисперзивни формулации на препишаните лекови со високи дози. Таа создава претходно измерени дози заштитени од истурање, дизајнирани да се распаднат во устата со само една голтка течност“ – тврдат на страницата на Aprecia. „ZipDose технологијата ја користи платформата за тро-димензионалното печатење која е во наша сопственост – 3DP. Овој процес меѓусебно спојува повеќе слоеви од лекови во прав, користејќи водена течност за да се произведе матрица која е порозна и растворлива во вода, која брзо се разградува со само една голтка течност“ – велат од Aprecia.

Персонализирани лекови

3Д печатењето не само што овозможува производство на апчиња кои се поцврсто спакувани со големи прецизни дози во нив, туку укажува на персонализирани лекови во иднина. 3Д печатените пилули може да бидат произведувани според потребите на секој пациент, за разлика од пристапот „еден лек им одговара на сите“. Со помош на менување на прилагодувањата во софтверот пред печатењето, болниците може да ги прилагодуваат дозите според индивидуалните потреби на пациентите – процес на персонализација, којшто во поинакви (конвенционални) услови е многу скап.

Прочитајте:  Научниците го открија клучот против стареење на кожата

„Изминатите 50 години, ние произведувавме таблети во фабриките и ги транспортиравме до болниците“ – рече Д-р Мохамед Албед Алхнан – Mohamed Albed Alhnan, професор по фармација на Универзитетот на Централен Ланкашир – University of Central Lancashire. „За прв пат, овој процес значи дека може да произведуваме таблети кои се поблиску до пациентот“ – истакна Д-р Мохамед.

Според Марвин Рорик – Marvin Rorick, невролог во Riverhills Neuroscience во Синсинати, оваа технологија на порозни апчиња може да има важни придобивки и за другите лекови. „Во моето искуство, пациентите и медицинските лица често имаат потешкотии во следењето на режимот на терапијата“ – истакнува Марвин. „Без разлика дали се справуваат со проблеми при проголтувањето на лековите или пак, секојдневната борба со децата кои одбиваат да го земат својот лек (сè уште не објавен мој – трикови за успешно надитрување на децата за да им го дадете лекот), придржувањето кон рутината претставува предизвик. Особено за децата и сениорите, постоењето на опција за успешно да го земат својот препишан лек е важно за третирањето на нивната болест“ – рече Д-р Марвин.

Формата на апчињата нема само естетска важност

Истражувачите од катедрата за фармација при Универзитетскиот Колеџ во Лондон – School of Pharmacy of University College London развија техники за 3Д печатење на апчиња во разни форми, започнувајќи од пирамиди, па завршувајќи на крофнички, по пат на технологијата наречена „топло топење и пресување“ – hot melt extrusion. Различните форми, кои би било навистина тешко да се произведат по пат на стандардното производство. Овие истражувачи открија исто така дека формата на апчето, а не големината на површината на апчето, зависи од тоа во која мера и колку брзо ќе се ослободува лекот. Ова значи дека многу е важен волуменот на апчето, а не големината на површината, на пример апчињата кои имаат форма на пирамида, го ослободуваат лекот побавно отколку коцкастите или сферните апчиња, што овозможува контролирање на апсорпцијата на лекот.


Споделете со пријателите!