kazete-mu-zbogum-na-utrinskoto-kafe
Споделете со пријателите!

Утринското будење честопати не можеме да го замислиме без шолја кафе. Но, што ако постојат подобри начини од кафето за да се расоните во раните утрински часови?
Сите луѓе се различни и сите имаат свои навики кога станува збор за утринското будење. Многумина од нас би се согласиле дека кафето е единственото нешто што вистински нè расонува во утринските часови. Ретко кој не ужива во сонот, па така многупати се наоѓаме во ситуација кога малку сме претерале со спиењето и ни треба брзо будење. Но, што ако постојат други начини освен кафето да се разбудиме и да го започнеме денот освежени и исполнети со енергија? Кафето не мора да биде единствениот избор. Еве неколку предлози за утринско будење на малку поинаков начин.

Излезете на сонце

Наместо да се покриете и да „украдете“ уште само десетина минути повеќе сон, станете од креветот и излезете на сонце. Доколку временските услови го овозможуваат тоа, сончевата светлина наутро му сигнализира на вашиот мозок дека е време да се разбудите. Всушност, според едно истражување, изложувањето на сонце рано наутро ве прави повитални и го стимулира делот од мозокот кој е одговорен за когнитивните процеси.

Масажа на одредени невралгични точки на телото

Масажата на одредени невралгични точки може да ви помогне во секојдневниот процес на утринско будење исто така. Петте точки кои може да се стимулираат се: темето на главата, точката на дланката помеѓу палецот и показалецот, веднаш под средишниот дел на капачето на коленото, на долниот дел на стапалото веднаш под прстите на нозете и на основата на вратот.

Прочитајте:  Како се манифестира социјалното анксиозно растројство?

Хидратација

Разбудете се со помош на освежување со ладна вода. Пиењето ладна вода наутро ќе го поттикне утринскиот адреналин и ќе ви помогне да се расоните, а уморот ќе исчезне. Уште еден начин да се исполните со енергија и да ја подобрите циркулацијата е да го завршите туширањето со ладна вода.

Движете се

Ако имате време, започнете го утрото со утринска прошетка за да ја подобрите циркулацијата во телото и да го зголемите нивото на ендорфин. Ако немате време за прошетка, направете неколку едноставни вежби по дома за да го забрзате протокот на крв до срцето и мозокот.

Здрав и хранлив појадок

Појадокот, според многумина, е најважниот оброк во текот на денот. Јадењето на хранлив и вкусен појадок наутро го забрзува метаболизмот, ве исполнува со енергија и ја подобрува меморијата и концентрацијата. Појадокот кој е богат со протеини или растителни влакна е добар избор за почеток на денот.

Сè ова вреди да се проба, нели?


Споделете со пријателите!