dvaesetiosmi-juli-svetski-den-na-hepatitisot_mala
Споделете со пријателите!

Светската Здравствна Организација – СЗО нè советува – дознајте кои се ризиците и спречете ја оваа болест

На 28 Јули Светската Здравствена Организација го одбележува Светскиот ден на хепатитисот со цел да се нагласи потребата за заштита од хепатитис и да се спречи како инфицирањето така и смртта предизвикана од ова заболување. 28 Јули е избран во чест на нобеловецот Барук Семјуел Бламберг – Baruch Samuel Blumberg, човекот кој го открил вирусот хепатитис Б и кој ја развил првата вакцина за ова заболување.

Мотото на годинешната акција е: „Спречи го хепатитисот. Делувај сега“

Што е хепатитис?

Хепатитисот е вирусно заболување на црниот дроб од кое страдаат стотици милиони луѓе низ целиот свет. Постојат неколку под-видови на ова заразно заболување и тоа хепатитис А, Б, Ц, Д и Е. Околу 1.5 милиони луѓе на светско ниво умираат од хепатитис (најчесто хепатитис Б и Ц) секоја година.

Што може да направиме за да се заштитиме?

Луѓето можат да ги спречат овие заразни заболувања, но повеќето не знаат како да го направат тоа. Затоа СЗО ја потенцира потребата за зголемена информираност за ова заболување како и превенција на истото. На Светскиот ден на хепатитисот низ целиот свет се одржуваат настани чија цел е превенцијата на хепатитисот, а особено внимание се посветува на превенција на хепатитис Б и Ц.

Инфографик за Хепатитис А и Е и Хепатитис Б, Ц и Д

СЗО нè советува да се заштитиме од хепатитисот во неколку чекори:

  • Да се информираме дека може да се заразиме со хепатитис преку примање на неиспитана крв како и преку користење на иста опрема која се користи за вбризгување на дрога.
  • Да побараме стерилни шприцови за една употреба со што ќе помогнеме во спречување на хепатитисот.
  • Да ги вакцинираме децата за да се спречи ширењето на хепатитис Б. Безбедната и ефикасна вакцина може да овозможи заштита од хепатитис Б доживотно.
  • Да се тестираме и ако резултатот е позитивен да знаеме дека постојат ефикасни лекови за лечење на хепатитис Б и Ц.
Прочитајте:  Светска недела на доењето

Споделете со пријателите!