Намалувањето на внесот на шеќер е тешко но не и невозможно
Шеќер има скоро во сите производи што секојдневно ги консумираме и тоа не само во слатките туку и во лебот и овошјето, како и во повеќето производи кои се означени без шеќер, како на пример енергетските житни ужини. Премногу шеќер во организмот значи зголемена телесна тежина, дијабетес, рак, депресија и можни когнитивни проблеми. Од друга страна, како да се преживее ПМС без чоколадо?
Важно е да се сфати дека постојаното консумирање шеќер во форма на течности или слатки, е пред сè навика. И тоа навика на зависност, колку повеќе сакате шеќер, толку повеќе ќе имате потреба од него. Затоа во продолжение ви нудиме неколку совети како да го намалите дневниот внес на шеќер и воедно да создадете поздрави навики кои позитивно ќе се одразат врз вашето здравје на долгорочен план.
Донесете свесна одука
Помеѓу работата и секојдневните обврски, како и пристапноста на шеќерот како состојка во многу продукти, неговото избегнување треба да биде свесен избор. Затоа, направете план. За некого најдобриот пристап е целосно отстранување, но за други овој начин прави да чувствуваат уште поголема потреба за шеќер. Кај вторите, подобро функционира пристапот на постапно намалување на внесот на шеќерот.
Однапред планирајте ги оброците
Здравјето значи преземање обврска, а таа претпоставува планирање. Особено кога станува збор внесот на шеќер. Планирањето на оброците е корисно, особено редовното појадување, за да не доживеете нагли падови на шеќер во крвта, што доведува до состојба на импулсивно јадење благо. Внимавајте да внесувате доволно протеини, храна составена од цели зрна и зрнеста храна.
Избегнувајте засладувачи
На пазарот постојат многу вештачки и самопрогласени природни засладувачи кои служат како замена за шеќер. Пробајте да ги избегнувате, бидејќи ни тие не се целосно здрави за употреба како што се рекламираат. Можеби немаат калории, но нивната употреба всушност ве прави зависник од благо, односно постојано ќе ја имате потребата за слатко.
Не го одбивајте овошјето
Кога некој се одлучува да прекине со внесување на шеќер, помеѓу другите работи, престанува да јаде и овошје. Нутриционистите советуваат дека всушност овошјето може да биде вашето тајно оружје, бидејќи е полно со хранливи влакна. Токму овошјето ќе го одржи стабилно нивото на шеќер во периоди на зголемена потреба за шеќер. Избегнувајте сушени овошја бидејќи содржат шеќер и консумирајте исклучиво свежи или замрзнати плодови.
