3-raboti-sto-treba-da-gi-znaete-za-prirodniot-shekjer
Споделете со пријателите!

Не треба да бидете научник ниту пак врвен нутриционист за да знаете дека треба да избегнувате газирани сокови, а да јадете повеќе овошје и зеленчук и да ги заблажувате рецептите или пијалоците со природните опции, како органски мед или јаворов сируп. Тие се помалку процесирани, за разлика од рафинираниот шеќер, а содржат и други корисни материи, вклучувајќи и антиоксиданси. Некои нови истражувања, сепак, ги оставаат луѓе да се прашувате дали храната засладена со овие „по прифатливи“ засладувачи, всушност е во ред да се консумира, особено доколку сакате да загубите некое кило. Еве неколку совети како да си го засладите животот а да не предизвикате повеќекратно зголемување на вашиот стомак. Истражувачите од Универзитетот на Јужна Калифорнија ги анализирале резултатите добиени од 24 волонтери кои конзумирале пијалоци, еден ден што се засладени со фруктоза, а друг засадени со гликоза. Откако ќе ги испиеле засладените пијалоци на учесниците им се покажувале слики од храна, им било изведеното скенирање на мозокот и им биле поставени прашања, дали би сакале да јадат веднаш или да добијат парична награда. При скеновите на мозокот кај волонтерите откриле голема мозочна активност во областа на мозокот поврзана со наградување. Во деновите кога испитаниците пиеле пијалоци засладени со фруктоза, повеќето од нив избрале храна како награда. Истражувачите врз основа на добиените резултати укажуваат на тоа дека фруктозата e помалку ефективна во намалувањето на апетитот и при конзумирањето има поголема веројатност да предизвика глад, отколку гликозата.

Зошто се јавува разлика помеѓу двата засладувачи? Кога консумирате гликоза, вашиот панкреаст лачи инсулин, кој им овозможува на клетките да ја користат за енергија. Инсулинот му кажува на вашиот мозок дека сте добиле „гориво“, а со тоа го намалува апетитот. Од друга страна фруктозата не го стимулира излачувањето на инсулин, па мозокот не ја добива пораката дека сте сити.

Прашањето се поставува како да ги користите медот, јаворовиот сируп, меласата, свежото овошје, па дури и некои зеленчуци кои содржат фруктоза, а притоа да не го нарушите вашиот апетит или да добиете на тежина. Со следење на овие три едноставни совети, можеби ќе бидете во состојба да го сторите тоа. Доколку сакате да видите какви проблеми може да предизвика прекумерното конзумирање на шеќери, можете да прочитате повеќе.

Кога се работи за овошјето, свежото е секогаш најдобар избор

„Една чаша свежи боровинки содржи околу 7 грама фруктоза, заедно со 3,5 грама растителни влакна и неколку клучни хранливи материи. Спротивно на тоа, една лименка сок од 330 ml. е засладена со концентриран фруктозен сируп содржи околу 22,5 грама фруктоза, без влакна и хранливи материи.“
Овошјето е природен извор на фруктоза, но овој засладувач е исто така дополнет со растителни влакна, вода, витамини, минерали и антиоксиданси. Згора на тоа количината на фруктоза во свежото овошје не е концентрирана. Течноста и растителните влакна во свежото овошје, дополнети со џвакањето на храната, исто така, позитивно влијаат да се чувствувате сити. Со други зборови, количината и формата на фруктозата која ја конзумирате е од исклучителна важност. Ако сте загрижени за фруктозата и апетитот, секогаш конзумирајте свежо овошје. Ако јадете суво овошје, запамтете дека порцијата треба да биде помала за околу три четвртини, во однос на свежото овошје. Истото важи и за соковите. Подобро е да испиете една мала чашка на свежо исцеден портокал или сок од грејпфрут за појадок, кој содржи повеќе пулпа, отколку една висока чаша полна со сок.

Прочитајте:  Како секој Хороскопски знак може да ве освои на прв поглед

Ограничете ги слатките, но не ги исфрлајте во целост

Дали сте се обиделе да го елиминирате внесувањето на шеќер целосно?! Кога најчесто се практикува ваквото елиминирање на шеќерите, крајниот резултат е интензивен глад кој некако завршува со прекумерно јадење слатки. Доколку ова ви се случува, можете да здивнете, бидејќи некои здравствени организации се против целосното исфрлање на шеќерот од исхраната. Според нив, дневната доза за додаден шеќер, како мед и/или друга засладена храна, не треба да биде повеќе од 6 мали лажички за жени и 9 за мажи. Тоа значи додавање на една лажичка на органски мед или јаворов сируп во вашата порција од житарки или неколку коцки чоколадо секој ден, па дури и уживање во повремен десерт е добра работа,се разбира доколку тоа е во рамките на границите. Таа доза е и далеку помала од 22 лажички шеќери, колку што во просек козумира еден човек од развиениот свет секојдневно.

Никако немојте да го пиете шеќерот

Студија изведена на Универзитетот на Јужна Калифорнија ги опфаќа само пијалоците. Некои истражувања изведени во минатото покажале дека шеќерот кој е во форма на течност не предизвикува чувство на ситост, како оној кој се конзумуира во цврста форма. Така да, нема да го компензирате вкупниот внес на шеќер во телото ако јадете помалку храна кога пиете газирани сокови или други засладени напитоци. Всушност вие само ќе додадете екстра калории, кои ако не ги потрошите (согорите) со некаква физичка активност, или нема да изгубите на тежина или дополнително ќе ги пополните вашите масни клетки. Затоа доколку сакате да се засладите, подобро изберете колаче или некаква друга здрава ужинка кое имаат и некоја хранлива вредност, отколку да се напиете засладен пијалок.


Споделете со пријателите!