cokoladno-portokalova-torta
Споделете со пријателите!

оваа торта не е обична чоколадна торта. Во неа нема ни млеко, ни јајца, ни масло, ни шеќер, а нема ни глутен бидејќи е направена со брашно од наут и овес. Многу е вкусна и слатка и супер оди со резанчиња портокал.

  • 2 лажици мелено ленено семе + 6 лажици вода;
  • 1 шоља брашно од наут;
  • 1 шоља брашно од (безглутенски) овес;
  • ½ шоља какао;
  • 1 лажиче сода бикарбона;
  • 1 лажиче прашок за пециво;
  • 1 шоља пасирани урми*;
  • 1 шоља сок од портокал;
  • 1 – 2 лажици џем од кајсии или праски (а уште поубаво, мармалад од портокали).

* за 2 шољи пасирани урми доволна е една кутија меки урми од 800 gr. исчистете ги урмите од семки и изблендирајте ги во сецко со 6 лажици вода (додадете повеќе вода ако е смесата сува и многу се лепи).

Помешајте го меленото ленено семе со водата и оставете го на страна. Во вангла измешајте ги сувите состојки за тестото: брашната, какаото, сода бикарбоната и прашокот за пециво.

Додадете ги во ванглата другите состојки: лененото семе со вода, пасираните урми, сокот од портокал и џемот од праски. Изматете сé убаво, да нема грутки, па истурете го тестото во подмачкано тавче со пречник од 22 cm. Тавчето може да го подмачкате со кокосово масло.cokoladno-portokalova-torta_2

Ставете ја тортата да се пече во загреана рерна на 180°C, околу 10 минути, а потоа намалете ја температурата на 150°C и печете ја уште 15 – 25 минути. проверете со боцкање со чепкалка во средината, и дури и ако чепкалката не излезе целосно сува, извадете ја тортата, подобро е да биде малку недопечена, отколку препечена и сува. Оставете ја тортата целосно да се олади пред да ја премачкате.

Прочитајте:  Сладолед со слатко од смокви и ореви

За преливот само измешајте ги пасираните урми со какао и додајте сок од портокал додека не добиете добра густина за мачкање, па премачкајте ја тортата.

* рецептите со во целост превземени од ситно сецкано


Споделете со пријателите!