stevia-slatkata-bilka-ima-gorka-vistina_2
Споделете со пријателите!

Дознајте повеќе за стевиа, најпопуларниот производ на пазарот за здрава храна
Стевиа е засладувач кој содржи нула калории, а со самото тоа директно не дебелее и влијае на регулирање на телесната тежина. Според некои првични студии има влијание и на намалување на крвниот притисок. Во традиционалната медицина се користи и како природен мелем со антиинфламаторни и антибактериски својства. Заладувач погоден за дијабетичари и оние кои имаат проблеми со тежината. Има одличен вкус, за 200 пати е посладок од шеќерот и е целосно природен. Според наброените својства, има ли подобар производ од овој?

„Што всушност се продава под името стевиа денес?“

Парагвајците ја нарекувале „слатка билка“, а Јапонците во седумдесеттите години од 20- тиот век први направиле екстракт од стевиа. Денес, таа се одгледува во повеќе земји како САД, Кина, Бразил и Мексико. Може да се најде во течност, прашок или таблети. Ја нарекуваат „парагвајска магична билка“ поради бројните терапевтски својства што ги поседува.

Во моментов, стевиа е производ број еден кој за многу брзо време се рашири низ светските пазари со ознаката целосно природна, здрава замена за рафинираниот шеќер како засладувач.

Но дали е подобар од останатите вештачки засладувачи?

Горката вистина за засладувачот стевиа, е дека досега не се докажало дека е потполно безбеден за употреба. Американската здравствена организација FDA сѐ уште не се изјаснила конкретно за овој засладувач, туку нивниот официјален исказ е дека е „претежно безбеден“ (за употреба).

stevia-slatkata-bilka-ima-gorka-vistina_1

Постојат бројни студии кои го заменуваат шеќерот со вештачки или засладувачи со малку калории и никогаш точно не се потврдило дека тие ја намалуваат телесната тежина. Она што е сигурно потврдено од овие истражувања е тоа дека стевиа го намалува нивото на инсулин и крвиниот притисок. Затоа, ако се консумира стевиа во големи количини треба да се консултира лекар доколку се прима терапија за регулирање на крвиниот притисок,. Постојат и истражувања што покажале дека стевиа во големи количини може да предизвика штета на организмот. Исто така може да има интеракција со некои лекови како што се антифунгицидите, антиинфламаторите, антимикробиците, блокаторите на калциум каналите и др., па потребно е уште многу истражување и секако да го известите вашиот лекар ако користите некои лекарства а планирате да употребувате стевиа

Прочитајте:  „Вегануари“ - јануари посветен на веганството 

Што всушност се продава под името стевиа?

Друго прашање што треба да се одговори, е што всушност се продава под името стевиа?

Природната билка со романтична приказна за потеклото од Јужна Америка каде се користела како народен лек и промовирана како органска и непроцесирана, во денешницата всушност и не се употребува како таква, туку само е всушност хемиски создаден производ (изолат).

Во газираните пијалоци има стевиа, поточно изолирани делови од стевиа, но дали се тие природни? Маркетингот прави чуда, а стевиа, барем онаа што може да се најде денес во маркет, е процесирана замена за шеќер, лабораториски производ како и останатите вештачки засладувачи. Стевиата во нејзината изворна форма, како растение, е навистина делотворна и чудесна билка со многу позитивни својства и на светскиот пазар постојат екстракти на стевиа кои се корисни за здравјето. Затоа, погледнете го подобро составот на пакувањето доколку се одлучите да ја користите како замена за шеќер.


Споделете со пријателите!