Неодамнешните научни истражувања потврдија дека слабеењето успешно се постигнува и со ниско-јаглехидратна диета и со ниско-мастна диета, меѓутоа диетата со редуциран внес на масти топи повеќе масти
Покрај тоа што постојат разновидни концепти на исхрана, кога некој започнува да држи диета со намера да слабее, најчесто избира помеѓу елиминирање на мастите или јаглехидрати од својата исхрана. Потоа истоштени чекаат со месеци за да ги видат и да им се радуваат на резултатите со надеж дека начинот што го одбрале е соодветен и правилен. Една студија финансирана од страна на Американскиот Национален Институт за Здравје заклучи дека диетите кои наложуваат редукција на мастите е соодветен начин доколку сакате да се ослободите од вишокот на масти. Како и да е, ниско-јаглехидратните диети или Low-carb диетите (Палео диети) го намалуваат нивото на инсулин и всушност согоруваат повеќе маснотии.
Од 2003 година Кевин Хол – Kevin D. Hall кој е истражувач на метаболизмот при Американскиот Национален институт за дијабетес, дигестивни и болести на бубрезите – National Institute of Diabetes and Digestive and Kidney Diseases, истражуваше како телото реагира кон овие две специфични диети. Според едната диета 30% од калориите беа отфрлени по пат на елиминирање на јаглехидратите, но задржувајќи го внесот на мастите на исто ниво, додека пак другиот тип на диета што овој научник ја истражувал е онаа со потполно спротивна процентуална соодветност на хранливите материи (за 30% бил редуциран внесот на масти, додека пак, внесот на јагленохидрати останал ист).
Со цел оваа студија да биде што е можно поверодостојна, Хол ја спроведе врз 19 пациенти кои со нивна согласност студијата дозволија да биде спроведена во едно од одделенијата на болницата во времетраење од две недели. Истражувачите контролирале сè што испитаниците јаделе. Хол забележа дека ефектите од диетата со редуцирани масти резултираше со голема загуба на целокупната маса од телото и покрај фактот што спротивната диета со редуцирани јагленохидрати, топела повеќе масти. За да дојдат до овој заклучок, истражувачите следеле колку масти секој од учесниците во студијата консумирал во секоја од диетите, а потоа ги користеле резултатите за да пресметаат стапката на изгубена количина на масти.
Постојат и други критики за ниско-јаглехидратната диета.
Кевин Хол исто така заклучи дека со текот на времето, телото ги редуцира разликите помеѓу ниско-мастната диета и ниско-јаглехидратната диета. Неговата студија всушност сугерира кој вид на режим од оброци треба да се одбере кога започнувате со слабеењето. Одговорот е ниско-мастната диета. „Постојат верувања дека сите калории се еднакви кога станува збор за губење на мастите, а постојат други верувања кои тврдат дека калориите од јаглехидратите се причина за дебелеење, па нивното редуцирање резултира со поголема загуба на масти“ – пишува Хол во зборникот Cell Metabolism. „Нашите резултати покажаа дека всушност, не сите калории се создадени еднакви кога станува збор за губење на телесните масти, но гледано долгорочно, тие се прилично блиски“ – додава Хол.
[interaction id=”56288f9f47771a99601186a9″]Исто така, треба да имаме предвид дека организмот не смееме целосно да го отсечеме од јаглехидратите. Според еволуциониот биолог Карен Харди – Karen Hardy и нејзините колеги, јаглехидратите играле многу важна улога во развојот и зголемувањето на мозочната маса. Високо функционалниот човечки мозок има голема потреба од гликоза, којашто најдобро ја обезбедуваат токму јаглехидратите.
