Изборете се со стравот и повторно вратете ја контролата над својот живот
Каде стресот го напаѓа вашето тело и како да се одбраниме?
Мозок
Хроничното лачење на хормонот на стрес кортизол може да предизвика губење на помнењето, депресија но и три чашки ракија пред ручек.
Решение: Немојте да бидете претерано совесни на работа. Канадското истражување спроведено на 2,737 вработени покажало дека кога луѓето мислат дека лошо сработената работа озбилно влијае на нивните соработници, компанијата или околината, нивното ниво на стрес се зголемувало. Работниците кои не мислат дека работата што ја работат е кариера ретко се под стрес.
Поука: Земете слободен ден. Фирмата нема да пропадне ако ве нема 8 часа.
Коса
Истражувачите на Универзитетот од Западно Онтарио – University of Western Ontario пронашле нов начин на мерење на стресот. Откако извадиле неколку влакна од коса на преку 100 луѓе од кои половина биле хоспитализирани од срцев удар и земале пример од фоликулите заклучиле дека нивото на кортизол во косата е поголем кај болните од срце. Бидејќи косата расте околу 1 cm месечно, научниците користеле примерок од 3 cm како запис на ниво за стрес за време од претходните три месеци. Научниците докажале дека заклучокот ја подржува теоријата дека хроничниот стрес ја зголемува веројатноста за срцев удар, исто толку колку и акутниот стрес.
Решение: Заслужете унапредување. Поголемата моќ доведува до поголем степен на контрола, сугерира едно истражување од Универзитетот Колумбија – Columbia University. Учесниците во студиите биле поделени на надредени и обични работници при што должностите на унапредените биле такви да даваат чувство на моќ. Во меѓувреме половина испитаници од двете групи имале за задача да украдат 100 долари, а за тоа да лажат. Обичните кои морале да лажат имале силни физички реакции на стрес и високо ниво на кортизол. Но шефовите приморани да лажат не покажале такви показатели на стрес што упатува на заклучок дека дури и во стресни ситуации, луѓето чувствуваат низок или никаков степен на анаксиозност кога имаат моќ и контрола.
Нервен систем
Кога сме под стрес хормоните го преплавуваат нашето тело, помагајќи ни да се фокусираме, ни го изоструваат видот и ги подготвуваат мускулите за акција.
Решение: Почувствувајте моќ. Изложувањето на напор во тек на кратко време ни помага подобро да се соочиме со предизвиците. Истражувачите од Универзитетот во Бафало – The University at Buffalo неодамна при набљудување на 2,398 луѓе откриле дека изложените на напор со средна тежина имаат поголем степен на ментално здравје и задоволство од животот во однос на луѓето кои доживеале висок или никаков напор. „Во умерени количини се што не нè убива нè прави посилни“ – вели авторот на студијата Д-р Марк Сири – Mark Siri.
Mускули
Напнатоста во вратот, грбот предизвиканa од психички стрес и деновите поминати над компјутерот може да предизвикаат болки.
Решение: Испробајте истегнување во ќош. Зaстанете со лицето свртени кон ќошот од просторијата. Подигнете ги лактите во висина на рамињата и ставете ги подлактниците, лактите и дланките на ѕидот. Наведнете се напред за да ги истегнете мускулите на градите и грбот. Останете така 15 секунди со длабоко дишење. Повторете го ова на секои 2 часа ако почувствувате потреба.
Стомак
Зголеменото лачење на желудочна киселина се должи на стресот и предизвикува кркорење на стомакот и попуштање на цревата. Стресот може дури и да го промени начинот на процесирање на мастите така што целиот вишок да се складира во стомакот.
Решение: Наведнете се и смејте се. Практичарите на јога тврдат дека комбинираните јога техники на дишење и истегнување со смеење помагаат добро да се справат со животните стресови. Студиите покажале благотворно дејство на јогата за ублажување на стресот и намалување на крвниот притисок. Истото дејство го има и смеењето. Два извештаи прикажани на годишниот состанок на американските колеџи за спортска медицина тврдат дека смеењето додека гледаме комедија ја подобрува циркулацијата и спроводливоста на крвните садови дури и по 24 часа.
ДНК – DNA
Не само што стресот може да ве истошти туку може да ја загрози и вашата ДНК. Непрестаното лачење на хормонот на стрес може да предизвика скратување на теломерите. Теломерите се генетски структури кои ги штитат краевите на хромозомите и ако се скратат премногу, клетките не ќе можат да се делат.
Решение: Медитирајте. Истражувањата спроведени на Харвард покажале дека физиолошкиот одговор на медитацијата, Таи Чи вежбите и вежби на дишење може да го неутралзира оштетувањето на ќелиите предизвикани од стрес.
