so-humor-do-posilen-imunitet_image
Споделете со пријателите!

Хороскоп за 8ма недела: Смеата докажано го подобрува имунитетот и го подобрува општото здравје. Затоа во хороскопот за оваа недела го обработуваме хуморот како здравствена придобивка, а главната цел на овој хороскоп е да ве насмее и расположи. Имајте на ум дека ние секогаш мислиме на вас и вашата добросостојба. Овните хуморот го користат како лек против секојдневието, на Стрелците им е душевна храна, додека на повеќето Јарци и Девици, хуморот им е хируршки отстранет.

Овен

Како огнен знак, вие уживате во добар хумор и вашите пријатели често имаат болки во стомакот од премногу смеење. Кога раскажувате смешни ситуации, се служите со многу  гестикулации за посмешен ефект, но сепак некогаш сте досадни бидејќи зборувате само за вас. Вашата детска природа некогаш се сфаќа како незрелост, особено ако се шегувате на туѓа сметка.

 

Бик

Уживате во шеги на своја сметка, често сте смешни без да сакате, но знаете и да префрлите коментар што звучи неумесно а тоа не била вашата намера. Дури и Биковите со највисоко образование сакаат едноставен и рудиментиран хумор бидејќи се опуштени и отворени.

 

Близнаци

Бидејќи имате брза мисла и голем интелект, вие најмногу уживате во досетлива игра со зборови. Заради вашата потреба постојано да сте во центарот на вниманието, вие секогаш имате подготвено некоја смешна ситуација за раскажување.

 

Рак

Љубители сте на квалитетен и издржан хумор а не на лесни шеги што би ги кажале Овенот или Стрелецот.  Затоа со задоволство ги слушате Близнаците, кои некогаш знаат да бидат досадни заради нивната себичност, дури и во хуморот. Во лице и се смеете на апсурдноста на животот, што е ваш голем квалитет и карактерна цврстина. 

 

Лав

Многу сакате да се шегувате, но никогаш на ваша сметка. Вашиот хумор е најчесто директен, но благодарение на вашиот шарм, никогаш не ви се лутат. Вашата егоистична природа совршено ви оди во прилог додека создавате смешни сценарија на туѓа сметка.

 

Девица

Не сфаќате премногу досетлив хумор, но совршено се служите со иронија. Повеќето од вашите обиди да бидете забавни, завршуваат со зајадливи коментари и покрај тоа што не сте ги мислеле. Шегите не ви успеваат бидејќи сте премногу стегнати и напнати.

 

Вага

Сарказмот е вашето најмоќно оружје. Тој веќе станал неразделен дел од вашето однесување. Интелигентниот хумор за вас е најдобра забава и одличен начин за дружење. Затоа најмногу сакате да се дружите со Близнаците, бидејќи имате иста смисла за хумор.

 

Шкорпија

Треба да ви дадат црн појас за црн хумор, бидејќи сте мајстори за него. Тоа го правите на префинет и досетлив начин, па затоа сте посакувано друштво. Најмногу сакате да се служите со иронија, особено кога не ви ја разбираат. Тоа ве забавува.

 

Стрелец

Вие сте едни од највештите засмејувачи во Зодијакот. Отсекогаш ве привлекувал сценскиот настап, но се задоволувате и кога сте центар на внимание и причина за громогласна смеа во вашето друштво. Како љубители на физички хумор, не ја сакате префинетата мрачна смисла за хумор на Шкорпијата.

 

Јарец

Кога се обидувате да бидете забавни, најчесто успевате во тоа но вложувате голем труд. Шегите ви се малку суви и стерилни, или пак нагласено навредливи. Најчесто сте забавни кога не сте свесни за тоа, најверојатно бидејќи тогаш сте опуштени.

 

Водолија

Преферирате интелигентен хумор, издефиниран и специфичен, па најчесто се шегувате со луѓе со кои имате иста смисла за хумор. Надвор од вашиот круг на пријатели, најчесто не ви ги разбираат шегите, па ви препишуваат дека сте необични и чудни. Како и да е, вам никогаш не ве интересира што мислат другите за вас.

 

Риби

Вие сте доказ дека упорноста не секогаш се исплаќа, особено во форсирање на хумор. Со пренагласување на шегите, вие успевате смешната ситуација да ја претворите во неуспешен обид за шега.

Прочитајте:  Спиењето како временска машина до појадокот

Споделете со пријателите!