infekciite-po-vreme-na-bremenost-pogolem-faktor-za-razvoj-na-autizam_image
Споделете со пријателите!

Една нова студија на речиси 1,8 милиони деца во Шведска покажа дека ризиците за аутизам и депресија се значително повисоки ако мајката е хоспитализирана со инфекција за време на бременоста.
Голема студија се произнесе по прашањето за настанување на различни невропсихијатриски состојби и аутизам по време на бременост, и во неа се вели дека вакцините не се причината за негово настанување. Студијата вели дека тоа е често, но погрешно верување меѓу анти-ваксерите дека доколку бремената жена се вакцинира, таа го става нејзиното неродено дете на ризик од аутизам. Ова тврдење не можело да биде подалеку од вистината. Наместо тоа, сè поголем број на истражувања сугерираат дека доколку мајката е невакцинирана, тогаш таа навистина го прави своето дете ранливо. Една нова студија на речиси 1,8 милиони деца во Шведска покажа дека ризиците за аутизам и депресија се значително повисоки ако мајката е хоспитализирана со инфекција за време на бременоста. Резултатите се засноваат на зачестената, но се по широко прифатена идеја дека специфичните инфекции, кога се настанати за време на бременост, може да му наштетат на мозокот во развој, зголемувајќи го ризикот од појава на психијатриски нарушувања подоцна во животот, вклучувајќи ги и состојбите како што се биполарно растројство, шизофренија, депресија и аутизам. Оваа нова студија, сепак, наслика многу поинаква слика. Авторите утврдиле дека резултатите остануваат исти, без разлика дали хоспитализацијата била направена заради тешки инфекции – како грип, менингитис и пневмонија – или многу поблаги инфекции. Со други зборови, не станува збор за специфичен вирус, туку се чини дека инфекцијата воопшто како фактор ги предизвикува овие проблеми, и дека тоа е случај дури и кога предизвикувачот не може да го достигне феталниот мозок. „Резултатите покажуваат дека е многу битна заштитата и спречувањето на инфекцијата за време на бременоста во колку што е можно по голема мера, на пример, следење на препораките за вакцинирање против грип“, вели Верена Сенгпиел, експерт за акушерство и гинекологија на Универзитетот во Гетеборг.

Сликовито изразени биле податоци од Регистарот за раѓања за скоро 1,8 милиони деца, родени во Шведска помеѓу 1973 и 2014 година, авторите посочуваат колку од мајките биле хоспитализирани со инфекција за време на нивната бременост. Истражувачите ги следеле овие деца и нивното ментално здравје преку болничкиот регистар до 2014 година, кога најстарите од нив биле на 41 година.

Статистичката анализа на податоците открива загрижувачка врска помеѓу менталното здравје на детето и имунолошкиот систем на нивната мајка. Додека студијата не открила зголемен ризик за развој на шизофренија или биполарно растројство, авторите откриле дека кога една бремена жена оди на лекар заради инфекција, нејзиното дете има поголема веројатност да побара болничко лекување за депресија и аутизам подоцна во животот. Всушност, кај овие деца, зголемениот ризик бил 79 проценти за аутизам и 24 проценти за депресија.

„Генерално кажано најдени се докази дека изложеноста на мајчината инфекција за време на феталниот живот го зголемува ризикот од аутизам и евентуално на депресија кај детето“, пишуваат авторите. „Иако индивидуалниот ризик е мал, ефектите на целокупната популацијата се потенцијално големи“.

Колку и да делува фасцинантно она што е прикажано, студијата е само обсервациона, па затоа не може да ни каже точно како инфекцијата на мајката влијае на мозокот во развој кај детето. Неодамнешните студии на модели животни сугерираат дека овие инфекции може да предизвикаат воспалителна реакција во нервниот систем, менување на генетската експресија во мозокот и менување на нејзината архитектура. Работата е тоа што, многу од овие студии, исто така, наведуваат дека постојат мноштво генетски фактори во игра, па одговорот на оваа загатка би можел да биде многу сложен.

Прочитајте:  Возраста на фетусот ќе може да се знае преку анализа на крвта на мајката

„Нашите резултати не можат да ја исклучат можноста за зголемен ризик за психопатолошки состојби како резултат на двојниот `удар`: воспалителна фетална повреда на мозокот заради постоење на воспалителна компонента со подлога на генетска предиспозиција”, пишуваат авторите на новата студија.

Ќе бидат потребни повеќе истражувања пред да може точно да се каже што се случува.

Во меѓувреме, сепак, најдоброто нешто што бремената мајка може да направи е да остане здрава и да се придржува до најдобрите медицински совети. Вакцинирање со сите пропишани вакцини е добар почеток.


Споделете со пријателите!