Ефикасно лекување на габични инфекции на кожа и нокти

Современ и ефикасен пристап во третман на габичните инфекции на кожа и нокти

Габичните инфекции се чест здравствен проблем кој засега милиони луѓе ширум светот. Тие, во зависност од локализацијата можат да бидат површински и системски.² Површинските габични инфекции ги зафаќаат кожата, ноктите и мукозните мембрани. Најчесто не се загрозувачки по животот, но сериозно влијаат на квалитетот на живот и неопходно е да бидат соодветно третирани.²

Третманот на габичните инфекции може да биде:²

• локален односно апликација на антимикотик директно на инфицираната површина
• системски или употреба на перорална терапија во облик на таблети, капсули и др.
• комбиниран локално-системски

Секако дека локалната терапија е најприфатлива поради безбедноста и избегнувањето на системските несакани ефекти.²

Ексодерил спаѓа во групата на локални антимикотици и го има во 2 форми:¹

Механизам на дејство¹

Ексодерил е еден од ретките антимикотици кој има фунгистатско и фунгицидно дејство, што резултира со спречување на растот и размножувањето на габичните клетки. Покрај ова, Ексодерил има тројно дејство:¹

• Антигабично (ефикасен е против Trichophyton spp., Microsporon spp., Epidermophyton floccosum, квасни габички (Candida видови), мувли (Aspergilus видови) и други габи (пр. Sporothrix Schenckii);
• Антибактериско (против разни Грам-позитивни и Грам-негативни микроорганизми кои често се појавуваат заедно со габичните инфекции);
• Антиинфламаторно (доведува до брзо намалување на знаците на воспаление, особено чешање). 

Ексодерил 1% раствор претставува бистар раствор кој се користи кај возрасни за локално лекување на габични заболувања на стапалото, особено за габичните инфекции на ноктите (онихомикози).¹ Ексодерил 1% раствор е наменет исклучиво за надворешна употреба и се нанесува еднаш дневно на исчистена и целосно исушена инфицирана површина. При онихомикозите се аплицира на зафатениот нокт помеѓу ноктот и месото.¹ Растворот продира длабоко под ноктот во жариштето на габичната инфекција¹. Кремот се аплицира еднаш дневно на исчистена и целосно исушена инфицирана кожа и на околниот предел и нежно треба да се протрие.

Ексодерил 1% крем се користи кај возрасни за локално лекување на следниве кожни инфекции¹:

• Габични инфекции на кожата и кожните набори што се препознаваат по црвенило, лупење и отекување или плускавци што чешаат;
• Габични инфекции на стапалата (особено меѓу прстите и на табаните) и на дланките;
• Кандидијаза на кожата (само како лек од втор избор кај возрасни).

Благодарение на локалниот третман се постигнуваат високи концентрации на антифунгалниот лек во кожата и ноктите со минимална појава на несакани ефекти.² Неговата употреба ја намалува дозата и времетраењето на системската терапија на тој начин го намалува и трошоток и ризикот од несакани ефекти.² Габичните инфекции особено оние на ноктите се тврдокорни и неопходен е подолготраен третман за целосно излекување¹: 

• Кај кожата 2-4 недели;
• Кај ноктите, во зависност од зафатената површина потребни се неколку месеци, или сè додека повторно не израсне здрав нокт (во одредени случаи и до 1 година).

Дозирањето на кремот и на растворот е само еднаш дневно и се наменети за возраст над 18 години.¹

Ексодерил продира длабоко и ги убива габичките.

Референци:

1. Part from the registration dossier, Lek DOOEL, 2013
2. Sergeev, Yu. V. Sergeev, V. Yu. Sergeev. New concepts in the pathogenesis, diagnosis, and treatment of onychomycosis, mycoses and onychomycoses.

Лек Скопје ДООЕЛ
Мк-Ексодерил-т-08/2016
Перо Наков бр.33, 1000 Скопје, Македонија
тел.: 02 / 2550 835 факс: 02 / 2551 484

* комерцијален текст