kako-slushanjeto-muzika-ja-narushuva-kreativnosta_image
Споделете со пријателите!

Популарниот став дека музиката ја подобрува креативноста е оспорен од истражувачите
Популарниот став дека музиката ја подобрува креативноста е оспорена од истражувачите кои велат дека има спротивен ефект. Психолозите го испитуваа влијанието на позадинската музика врз нивните креативни можности да решаваат задачи кои се поврзани со нивната вербална перцепција и креативност- но при тоа напоменаа дека позадинската бучава од библиотека не се одразува на нивните перформанси за извршување на задачите. Психолози од Универзитетот во Централен Ланкашир, Универзитетот во Гавле во Шведска и Универзитетот Ланкастер го истражуваа влијанието на позадинската музика врз перформансите на луѓето со проблеми во вербална перцепција кои се верува дека ја подтикнуваат креативноста. Тие откриле дека позадинската музика „значително ја нарушила“ способноста на луѓето да ги завршат задачите што ја тестираат вербалната креативност – но бучавата во библиотеката во позадина не влијаела негативно. На пример, на секој учесник му биле прикажан три збора (на пример,dress, dial, flower ), со цел да се најде единствен збор (во овој случај „sun“) што може да се комбинира за да се направи заеднички збор или фраза (т.е. , sundress, sundial and sunflower). Истражувачите користеле три експерименти кои вклучуваат извршување на вербални задачи во тивка средина или додека биле изложени на:

  • Позадинска музика со странски (непознати) текстови;
  • Инструментална музика без текст;
  • Музика со познати текстови.

Д-р Нил Мекличи од Универзитетот Ланкастер изјави: „Најдовме цврсти докази за поголемо нарушување на перформансите кога пуштавме музика во позадина отколку при тивките услови во средината“.

Истражувачите укажуваат дека ова може да се случува затоа што музиката ја нарушува вербалната работна меморија.

Третиот експеримент -каде пациентите биле изложени на музика со познат текст, без оглед на тоа дали музиката, истовремено го зголемила расположението или им се допаднала на учесниците или пак тие до тогаш учеле во присуство на таа музика. Сепак, заклучокот е дека не се установени значителни разлики во извршувањето на вербалните задачи помеѓу тивка средина и стандардниот шум во библиотечни услови. Истражувачите велат дека ова е поради тоа што бучавата во библиотеката е „стабилна бучава“ која не е толку мачна. “Заклучокот од овие истражувања е дека наодите го оспоруваат популарното гледиште дека музиката ја зајакнува креативноста и наместо тоа демонстрира дека таа музика, без оглед на присуството на семантичка содржина (без текст, познат текст или непознати стихови), предизвикува нарушување на креативните перформанси во решавање на задачи кои ја поддтикнуваат креативната вербална перцепција”.

Прочитајте:  5 изненадувачки факти за болката

Споделете со пријателите!