dali-postoi-opasnost-od-zika-na-letnite-olimpiski-igri_image
Споделете со пријателите!

Министерството за здравство препорачува туристите да ги обноват картичките за вакцинација во согласност со насоките на распоредот за вакцинација на нивната земја на потекло или местото на живеење, најмалку 10 дена пред патувањето
Градот Рио де Жанеиро ќе биде домаќин на Олимписките игри во 2016 година од 5-ти до 21 август и на Параолимписките игри, од 7 до 18 септември. Заедно со многу дестинации во Америка, Бразил се соочува со епидемија на вирусот Зика. Сепак, покрај сувата и постудена клима во Рио, појавата на Зика вирусот, вирусот пренесуван преку комарци и поврзан со вродениот дефект микроцефалија кој се јавува кај новороденчињата на заразените мајки, како и другите болести пренесувани од комарците, како што е Денга или Чикунганија, доста се намалиле во изминатиов период. Појавата на овој вирус во Бразил изминатата година, предизвика загриженост и жестока дебата во јавноста за безбедноста на над 500-те илјади очекувани посетители на Олимпијадата во Рио.

Ризикот од инфекции со Зика вирусот на Олимписките игри во Рио де Жанеиро, оваа година е низок и е надминат, истакнаа здравствените претставници во Бразил во недела на 31 јули, пет дена пред почетокот на првите игри во Јужна Америка.

Секретарот за здравство на Рио де Жанеиро, Даниел Соранз – Daniel Soranz истакна дека ризикот од Зика не треба да ги одврати посетителите кои доаѓаат да ги посетат Игрите, затоа што случаите на инфекциите со Зика, значително се намалиле во последните неколку месеци.

„Олимпијадата не претставува опасност за ширење на вирусот“

„Од ноември изминатата година, ние веќе прикажувавме проекции и научни студии коишто покажуваат дека ова ќе биде проблем за време на Олимпијадата. На две недели пред Игрите, бројот на случаи е речиси непостоечки. Во градот, случаите се многу ретки и за нас ова е прашање коешто е повеќе од надминато“ – потенцира Соранз на прес конференција. Покрај алармната ситуација со Зика, епидемиолозите од Владата на САД пак, во јуни, проценија дека Олимпијадата не претставува опасност за ширење на вирусот. Тие сметаат дека околу 240 милиони луѓе годишно патуваат во области инфицирани со вирусот и изјавија дека повеќе од 500.000 лица во Рио не се голема закана.

На официјалната веб страница на Институт за јавно здравје на Република Македонија, објавени се корисни совети за патувањето на Олимписките и Параолимписките игри во Рио 2016 година. Дел од нив се: „Избегнувајте да патувате кога сте болни; Посетете го вашиот лекар, најдобро 4 до 8 недели пред патувањето и информирајте го за редот на летање; Информирајте се за совети за заштита од болести и повреди; За време на патувањето, можете да имате потешкотии или евентуално, да не можете да ги најдете лековите кои ги земате како секојдневна терапија; Побарајте совет од вашиот лекар кои лекови и во која доза можат да се земаат пред патувањето, вклучувајќи го и рачниот багаж.“

Прочитајте:  Денес е Меѓународен ден на човекови права

Спакувајте ги лековите според упатствата дадени од производителот, во оригиналното пакување. Јадете пред патувањето и консумирајте храна на која што сте навикнати, избегнувајќи ги маснотиите (мрсна храна), бидејќи тие можат да предизвикаат непријатност за време на патувањето. Ако имате намера да патувате во Бразил за време на Игрите, следете ги препораките за патување на Институтот. Постојат посебни препораки за бремените жени кои патуваат во ризичните дестинации.

Важно е да се напомене дека во секоја ситуација, бремените жени треба да се консултираат со лекар пред да патуваат и да побараат посебна грижа кога патуваат.

„Тие треба да користат само репеленти дозволени за време на бременоста (врз основа на DEET, icaridin или picaridin и IR 3535, EBAAP), да носат долги ракави и облека и да престојуваат во места со заштитни мрежи и да избегнуваат области со повисока инциденца на Зика вирусот и маларија. Исто така, треба да избегнуваат места со комарци без препорачаните мерки за заштита, како и места каде што има повеќе инсекти. Пријавени се случаи на пренесување на вирусот Зика помеѓу партнерите за време на сексот, па затоа секогаш користете кондом. Ако постои било каква промена во вашата здравствена состојба, пријавете го тоа на здравствените работници за следење на бременоста. Се препорачува да се пијат многу течности“ – велат од Институтот за јавно здравје.

Во Бразил, не постои обврска да се покаже сертификат за вакцинација за да се влезе во земјата, но Министерството за здравство препорачува туристите да ги обноват картичките за вакцинација во согласност со насоките на распоредот за вакцинација на нивната земја на потекло или местото на живеење, најмалку 10 дена пред патувањето. Министерството за здравство препорачува туристите кога патуваат во Бразил да ги проверат нивните картички за вакцинација за следните болести:

  • Инфлуенца (грип): Бразил усвојува вакцинација на ризичните групи во периодот од 18 април – 20 мај 2016 година, пред периодот на најголема инциденца на болеста;
  • Мали сипаници: Во Бразил вирусот на мали сипаници веќе не е ендемичен. Сепак, населението е вакцинирано за да се спречи вирусот да се враќа во земјата, со оглед  дека се` уште влијае на другите делови на светот;
  • Рубеола: Бразил е официјално земја ослободена од рубеола и вроден синдром на рубеола (CRS) и не се пријавени случаи на ендемичен пренос. Вакцината сè уште е од суштинско значење, со цел да се избегне повторување на болеста;
  • Хепатитис А: Бразил препорачува вакцинација, бидејќи можете добиете хепатит А преку контаминирана храна или вода, без оглед на земјата во која патувате;
  • Хепатитис Б: Можете да добиете хепатитис Б преку сексуален контакт, контаминирани игли и крвни продукти. Бразил препорачува вакцинација ако сте направиле тетоважа или пирсинг, или ако сте бремени;
  • Маларија: Вакцината против маларија може да ве заштити. Во Бразил, преносот на маларија е концентриран во регионот на Амазон.

Споделете со пријателите!