Споделете со пријателите!
Уште еден заболен од Зика во Словенија
Во Словенија е регистриран втор случај на зараза со вирусот Зика, соопшти словенечкиот Национален институт за јавно здравје. Заразената личност ги добила вирусот за време на туристичко патување во странство и не претставува опасност за јавното здравство, изјави на прес-конференција епидемиолог Ева Грилц. Таа нагласи дека се преземени сите мерки за заштита од Зика вирусот за словенечките спортисти кои заминуваат на Олимпијада во Бразил и во тој поглед не се очекуваат поголеми проблеми, пренесува новинарската агенција Хина. Првиот случај на зараза со овој вирус во Словенија, беше потврден на почетокот од минатиот месец, исто така кај личност која што престојувала во странска држава зафатена од вирусот. Европскиот огранок на Светската здравствена организација, Словенија ја класифицира во земји со умерен ризик од ширење на вирусот ова лето.
Ова е последната листа од Институтот на јавно здравје на РМ на земји со регистрирани случаи на Зика вирус: ЛИСТА НА ЗЕМЈИ СО РЕГИСТРИРАНИ АВТОХТОНИ СЛУЧАИ НА ЗИКА ВИРУСНА ИНФЕКЦИЈА ЗАКЛУЧНО СО 17.06.2016 ГОДИНА
Споделете со пријателите!
