Дознајте ги препораките за поздрав живот од страна на една позната нутриционистка
Тренерката и нутриционистка со долгогодишно искуство Тара Хамет од Свонси, Јужен Велс ги сумира сите нејзини препораки за здраво тело и ум. Таа е креатор на фитнес програмата за слабеење TARAnsformation – онлајн програма за слабеење која трае 21 ден и може да им помогне на сите да го трансформираат своето тело, самодовербата и животниот стил.
„Без разлика дали имате многу килограми од кои треба да се ослободите, имате потреба да се затегнете или да се мотивирате за да јадете поздраво, време е да се ТАРАнсформирате!“ – вели Тара Хамет – Tara Hammett
1. Подготовка
Подготовката е клучот за успехот и останување на вистинскиот пат. Без разлика дали станува збор за подготовка на оброците и ужините за наредните неколку дена или пак, подготовката на опремата за вежбање, која секогаш треба да биде спремна и при рака. Планирањето на R&R сесија – Rest & Relaxation session за одмор и релаксација или завршувањето на дневните обврски за да имате повеќе време да легнете во кревет еден час порано и да се наспиете подобро.
2. Јадете повеќе
Никој не сака да се чувствува гладен. Зборот „диета“ прави веднаш да мислите дека треба да гладувате. Диетата за слабеење е краткорочна, а сите мораме да јадеме до крајот на својот живот. Следејќи ги советите на Тара на нејзиниот Јутјуб канал, можете да научите како да се храните правилно и повеќе. Кога јадете, најчесто го храните или се борите со лошото здравје. Осигурајте се дека јадете многу вистинска храна со по една состојка. Балансирајте ги оброците со протеини, зеленчуци и овошни плодови со помалку шеќери, здрави масти и соодветна количина на јаглехидрати.
3. Пијте повеќе
Хидратацијата е круцијална за телото да се чувствува, изгледа и да функционира најдобро. Изградете навика да носите шишенце со вода со себе и да пиете во текот на целиот ден со мали голтки. Доколку повеќе преферирате топли пијачки, пијте многу зелен чај, билни чаеви или вода со лимон или друга варијанта на домашно подготвена вода за слабеење. Избегнувајте да пиете калории. Газираните пијалаци и високопроцесирани сокови со додаден шеќер најдобро е потполно да се елиминираат од исхраната. Останете чисти и избегнувајте шеќери (алкохоли) и хемикалии.
4. Спијте повеќе
Сонот е акумулатор на целокупната енергија и има потенцијал да согорува маснотии. Кога спиеме, хормоните што ги топат мастите почнуваат активно да делуваат. Секој пат кога ќе се наспиете долго и квалитетно се чувствувате наполнети со енергија, позитивни и расположени и појаки за свесни одлуки. Кога сте наспани имате помалку неочекувани желби за храна. Тара вели колку порано одите на спиење, толку е подобро.
5. Опуштете се повеќе
Кога работите во насока кон доживотни здрави цели во начинот на живот, мора да работите и со вашите хормони и начинот на размислување. Колку повеќе сте под стрес, толку повеќе хормон на стрес ќе имате во вашето тело, а со тоа го зголемувате и потенцијалот за складирање на мастите.
6. Останете силни
Пречките нека ви бидат предизвик! Надминувањето на старите навики и создавањето на нови здрави навики не е лесно. Сфатете дека ќе имате потешкотии и падови, тоа е нормално. Може да ви се случува да имате денови кога ќе погрешите, ќе го прекршите режимот на исхрана и вежбање и имате чувство на вина дека сè што сте правеле било попусто и сакате да се откажете. Уште пред тоа да се случи одлучете да не ја прифатите таквата слабост и зацртајте си во главата дека морате да ги надминете кризните моменти и да продолжите фокусирани на целите што сакате да ги постигнете.
Надминувањето на пречките нè прави посилни. Не дозволувајте препреките да направат да се чувствувате како губитник. Потешкотиите се причината за вашиот успех!
7. Вежбајте помалку, но поквалитетно
Доколку сте презафатени, долгите сесии може да ви бидат здодевни и да ви причинат уште повеќе стрес, а со тоа да бидат со малку или без резултати. Кога вежбате дајте сè од себе. Подобро е да вежбате кратко, но квалитетно, отколку долго, но без ефект. Не заборавајте дека вежбање е секоја физичка активност што го забрзува срцебиењето во времетраење над 10 минути.
8. Останете позитивни
Успехот е условен од вашите мисли. Мислите креираат и деструираат. Секојдневно бидете благодарни, оптимистички настроени, насмеани и зрачете добрина. Бидете извор на она што сакате да го примате – колку повеќе позитивност вибрирате, толку повеќе позитивност ќе добиете назад. Постојат многу негативни луѓе, познати како „енергетски вампири“, кои се хранат со туѓа енергија правејќи постојано другите да се чувствуваат лошо. Оттргнете се од таквите луѓе од вашата непосредна близина и никогаш не заборавајте како сакате да се чувствувате и што сакате да постигнете. Негативците кои не сте во можност да ги избегнете, трудете се да ги игнорирате и променете го начинот на кој ги гледате, за да не ви создаваат нервоза.
9. Фокусирајте се на здравјето
Премногу луѓе се фокусираат на бројката на вагата. Не се опседнувајте само со телесната тежина. Да си екстремно слаб не значи и да си здрав, а поважно е да се биде здрав отколку слаб. Не дозволувајте тежината да биде движечката сила за тоа колку успешно ќе се чувствувате. Кога ќе се фокусирате на вашето здравје, ќе се чувствувате полни со енергија, телесната тежина сама ќе се намали, а самодовербата сама ќе се зголеми. На овој начин ќе забележите колку повеќе ќе добивате комплементи.
10. Излезете од зоната на комфорот
Тука започнува магијата! Животот треба да биде исполнет со фантастични искуства и сеќавања. Испробувањето на нешто ново може да ве возбуди, да ви биде предизвик и да ви помогне да имате прекрасен живот. Во ред е да се чувствувате нервозни и пораздразливи кога пробувате нешто ново, но кога сакате промена – морате да (на)правите нешто различно од порано. Истите акции, резултираат со исти реакции!
