obicna-ili-dietalna-kola
Споделете со пријателите!

Одлуката дали е подобра обичната кола или пак, диеталната – претставува избор помеѓу две големи зла
„Кога треба да одберете помеѓу регуларна или диетална кола, одберете вода или 100% природен сок!“
Газираните пијалаци – портокалови, светли или темни се многу популарни и на широко се консумираат. Но, кои се вистинските страни на овој црн „освежителен газиран безалкохолен пијалак“ со ароматични растителни екстракти и неговите диетални варијанти, произведуван од страна на многу компании ширум светот. Одлуката дали е подобра обичната кола или пак, диеталната – претставува избор помеѓу две големи зла.

Колата може да се користи во некои кулинарски рецепти. Овој тип на напиток нема други здравствени придобивки за здравјето, освен што има способност да го покачи нискиот крвен притисок. Сепак, штетните последици се многу големи.

Од премногу кола не само што се зголемува тежината, туку целокупното здравје е во опасност.

Киселоста на колата може да се спореди со киселоста на киселината во акумулаторите, па затоа може да чисти површини во домот на побезбеден начин отколку токсичните детергенти и средства за чистење. А доколку ставиме лушпа од јајце за време од една година или парче месо во кола на одреден временски период, поради високата киселост од лимонската и фосфорната киселина истите се распаѓаат, се растопуваат и буквално ги снемува! Па, според тоа таа претставува „отров“ за човечкиот метаболизам. Луѓето што пијат многу кола напитоци имаат за 48% зголемен ризик од појава на срцев удар и мозочен удар, а карбонизацијата на колата пак, доведува до губење на калциумот од коските, така што тие стануваат меки и покршливи. Поради додадениот шеќер консументите се под поголем ризик од појава на дијабетес тип 2.

Во една лименка од регуларна кола има околу 140 калории и 33 гр. шеќер.

Покрај останатите бројни штетни состојки во регуларниот кола производ, шеќерот и кофеинот преовладуваат и создаваат зависност од овој „сок“, поблага форма но слична на зависноста од цигари или други опијати. Кога ќе се напиеме црн газиран сок количината на шеќер во крвта нагло пораснува и предизвикува инсулинска експлозија. Нашиот црн дроб одговара со тоа што целиот непотребен шеќер во крвта го претвора во маснотии. Црниот дроб е преоптоварен со работа, а поради диуретскиот ефект, со течноста од колата низ урината се исфрлуваат и дел од претходно соединетите минерали од организмот (како калциум, магнезиум и цинк), неопходни за правилно функционирање.  По неполни два часа настанат хаос во организмот, повторно се појавува желба за шеќер, а мозокот чувствува недостиг од кофеин, па затоа се јавува желба за уште една лименка, чаша или шише од овој пијалак.

Прочитајте:  Кои се придобивките од пaлентата?

Диеталната кола воопшто не е диетална

„Во денешно време, пиењето диетална кола се поврзува со губење на килограми, но тоа е голема заблуда.“

Кога станува збор пак, за диеталната варијанта на овој напиток, на организмот му се прави уште поголема штета. Луѓето кои имаат дијабетес и имаат ограничен дневен внес на шеќер, не смеат да консумираат обична кола. Сепак, тие не се принудени да пијат диетална кола, туку тоа е нивен личен избор. Сите синтетички состојки коишто на телото му прават шок и го збунуваат, бидејќи не може, или пак, не знае како да ги разложи – се таложат во мастите. Затоа сите заменски производи, како на пример маргарин (со транс масти) наместо путер, соино млеко наместо кравјо, растителен кашкавал наместо млечен и сл. или пак, аспартам наместо шеќер – во организмот прават хаос, бидејќи се синтетски или имаат голем дел на синтетски создадени состојки коишто на телото не можат да му ги дадат хранливите вредности (кои најчесто ги нема) и телото не е во состојба да ги преработи. Поради тоа органите се мачат и се преоптоварени, а најмногу бубрезите и црниот дроб. Оние кои „држат линија“ или имаат режим на исхрана за губење на килограми треба да знаат дека не е само шеќерот фактор за одбегнување. Пиејќи диетална кола со помисла дека ќе ослабат, длабоко се лажат. Кога се слабее треба да се слабее здраво и да се внесуваат здрави природни продукти, а не неквалитетна високопроцесирана храна со вештачки засладувачи и ред други хемикалии. Телото не само што треба да се прилагоди на губењето на килограмите и да ги топи маснотиите, тоа истовремено е принудено и да се бори со аспартамот и да таложи нови масти.

Неодамна на пазарот во странските земји се појави нова варијанта на „поздрава“ кола производи засладени со растението стевиа, со помалку калории, како Coca-Cola Life и Pepsi True.


Споделете со пријателите!