strategija-za-uspeshna-komunikacija-so-lugje-koi-stradaat-od-demencija_image
Споделете со пријателите!

Примената на вистински комуникациски техники може во голема мера да го подобри вашиот однос со вашиот сакан родител, роднина на кого му била дијагностицирана деменција.
Исклучително болно за роднините на некој кој страда од Алцхајмерова болест или друг тип деменција да набљудуваат како болеста напредува и постепено го менува пациентот до речиси непрепознатливост Со текот на времето процесите на дегенерација на нервните клетки се зголемуваат, поради што заборавањето кое се случувало од време на време се претвора во сериозно наршување на меморијата. Од заборавање на клучеви се стига до неможност да ги препознаат дури и нивните деца.

За блиските и роднините е препорачливо да се запознаени со тоа како да комуницираат успешно со страдалниците од деменција, бидејќи пациентите често се чувствуваат дезориентирани, исплашени или постепено ја губат способноста да вршат нормални и лесни активности како одржување на хигиена, исхрана, облекување на облека и многу други елементарни секојдневни активности.

Со прогресијата на болеста, пациентот се по ретко успева да запамети нови информации или да се потсети на старите. Често пати кога болниот кој пати од невродегенеративни заболувања ќе навлезе во последните стадиуми на болеста, тој е опишуван од блиските и роднините како сенка на претходното негово јас. За жал, деменцијата значително го трансформира пациентот и одржувањето на нормалните односи станува предизвик.

Свесноста за тоа како успешно да комуницирате дава можност за значаен однос со вашиот близок кој пати од невродегенеративната болест. Примената на вистински комуникациски техники може во голема мера да го подобри вашиот однос со вашиот сакан родител, роднина на кого му била дијагностицирана деменција.

10 стратегии за комуникација со луѓе кои страдаат од деменција

Информирајте се за состојбата на вашиот близок. Деменцијата постојано се влошува со текот на времето. Луѓето кои се борат со невродегенеративни болести постепено се соочуваат со сè поголеми тешкотии во разбирањето на другите и нивната околина. Заборавањето на имињата на другите, или дури и нивните сопствени, е честа појава во подоцнежните фази на болеста.

Зборувајте јасно, обидувајќи се да звучите смирувачки. Не го третирајте болниот со деменција како дете и никако не се однесувајте со подценување.

Секогаш користете ги нивните имиња. Избегнувајте да зборувате за нив во трето лице за време на разговорите. Свртете се кон болниот со деменција кога им се обраќате и заменете го изразот „Здраво, јас сум“. со „Здраво, бабо, јас сум Димитар“.

Прочитајте:  Јаворовиот сируп може да помогне при Алцхајмер

Држете се до една тема на разговор. Деменцијата е болест која води до намалени когнитивни способности, па затоа не очекувајте од оние кои страдаат од болеста лесно да ги следат различните нишки на разговорот.

Не занемарувајте ја користа од невербалната комуникација. Поддржувајте контакт со очите и насмевка. Кога болеста ќе напредне значително, невербалната комуникација може да биде единствениот начин за комуникација.

„Ако не го разбирате она што го кажува, прашајте го учтиво и смирено.“

Ислушајте ја својата сакана личност и обидете се да ги разберете неговите зборови. Ако не го разбирате она што го кажува, прашајте го учтиво и смирено. Неуспехот да комуницира може да го зголеми нивото на анксиозност на лицето кое страда од деменција и дополнително да ја комплицира ситуацијата.

Не се зајадувајте со нив. Вашите разговори нема да напредуваат многу ако постојано корегирате каква било изјава на невродегенеративниот пациент. Да, заблуди и лажни изјави ќе бидат дел од однесувањето на вашиот близок. Но ова, сепак, не значи дека ваша должност е постојано да напоменувате и му префрлате на него за тоа.

Бидете трпеливи. Дајте им време да ги прифатат вашите зборови. Ако поставите прашање, почекајте неколку секунди додека лицето кое е со оваа дијагноза не ги разбере вашите зборови и додека да формулира одговор. Не дозволувајте да се иритирате и тоа да ве спречи да комуницирате мирно и успешно со пациентот со деменција.

Прифатете дека ќе има добри и лоши денови. Со тек на време, како деменцијата се влошува, луѓето кои страдаат може да имаат убави и тешки моменти како и секоја друга личност. Можно е во даден ден вашиот близок да се сети на вашето име, каде се наоѓа и со кого разговара, но следното утро повторно да има проблеми со препознавање на познати луѓе и места.


Споделете со пријателите!