bezbedno-i-bezgrizno-igranje-na-snegot-image
Споделете со пријателите!

5 Совети за добра подготовка за снежна игра
Снегот носи особена радост и среќа кај децата. Кога парковите се покриени со снег, секое дете сака да излезе надвор за да се забавува санкајќи се или правејќи снешко и снежни ангели. Но снегот на кој никој не може да одолее, секогаш е придружен од лизгави замрзнати површини, ниски температури и сув ветер од кои родителите треба соодветно да ги заштитат децата. На што треба да внимаваат родителите и како да го подготват своето дете за играта на снегот? Во прилог ќе посветиме внимание на 5 совети за родителите.

Облека во слоеви

„Да се избегнуваат памучните материјали и да се користат лесни полиестерски, како и волнени материјали“

Кога станува збор долгото играње на снегот, многуте слоеви облека за децата може да имаат и контра ефект. Што значи тоа? Додека облеката во слоеви е практична, веројатноста детето да се испоти и да настине е прилично голема. Но педијатрите советуваат дека тоа може да се случи доколку практикувате материјали коишто не држат топло и не и дозволуваат на потта да испари. Оттука, потенцираат да се избегнуваат памучните материјали и да се користат лесни полиестерски, како и волнени материјали.

Првиот и последниот слој облека се најважни, оттука, обрнете внимание првиот да биде потенок и полесен, а последниот водоотпорен. Скафандерот е одлична опција за зимските игри во снегот, но неопходна е соодветна облека под него којашто ќе биде потенка и нема да ја задржува потта на телото на детето.

Шал, капа и ракавици

Зимските додатоци – капата, шалот и ракавиците се многу важни за безбедна игра на снегот. Рацете се најчувствителни на студот, ветрот и снегот бидејќи со нив се прават снежните топки и снешковци. Обезбедете квалитетни водоотпорни ракавици за вашето дете пред да го пуштите во зимска авантура на снегот. Доколку детето поминува долго време на снегот, препорачливо е да го подготвите со втор пар ракавици, капа и шал.

Прочитајте:  Како да го одвикнете детето од лошата навика цицање на палец?

Топли обувки и чорапи

Удобните и топли обувки се исто така неопходни во зима. Волнената постава е идеална за внатрешноста на зимските обувки бидејќи таа не ги поти стапалата и ја задржува топлината, додека водоотпорните материјали за нивната надворешност да ја заштитат од влажноста на снегот. Меѓудругото, од особена важност е обувките да не се лизгаат на снегот и мразот за да се избегнат непосакувани повреди. Се препорачуваат топли и удобни чизми со запци што нема да дозволат лизгање на замрзнатите површини.
bezbedno-i-bezgrizno-igranje-na-snegot-image1

Заштита за кожата на лицето и рацете

Детската кожа е многу чувствителна во зима. Нанесете заштитен крем на рацете, лицето и вратот на вашето дете бидејќи студениот ветер и сонцето може да ја иритираат неговата нежна кожа. Исто така, не заборавајте на заштитен балсам за усните, коишто исто така, се чувствителни на ветрот и сонцето.

Хидратација на телото

Трчајќи и играјќи во снегот децата трошат многу енергија. Соодветната хидратација на организмот преку внесувањето на доволно количество вода, витамини и минерали е неопходна со цел детското тело да се подготви за играта на снегот. Топлите пијалоци и домашни супи полни со витамини и минерали се идеални за загревање на телото во зимскиот период пред изглегувањето надвор. Додека, пак, водата е неопходна во секое време, затоа обезбедете му на детето шише со минерална вода да го понесе со себе.


Споделете со пријателите!